ശ്രീ ദേവീമാഹത്മ്യ പാരായണവിധി

വിക്കിഗ്രന്ഥശാല സംരംഭത്തിൽ നിന്ന്

ശ്രീ ഗണേശ ശാരദാ ഗുരുഭ്യോ നമഃ

ശ്രീ മഹാദേവ്യൈ നമഃ

ഓം നമശ്ചണ്ഡികായൈഃ


1.ശ്രീദെവീമാഹാത്മ്യ പാരായണവിധി

ശ്രീപരമേശ്വര ഉവാച

ഗജാനനമഹം വന്ദേ
ഗജാസുരനിബർഹണം
സിദ്ധിബുദ്ധിയുതം ദേവം
ഭക്തവിഘ്നഭയാപഹം  (1)
മഹാകാളീ മഹാലക്ഷ്മീ
മഹാവാണിതി യാ സ്മൃതാ
സാസ്മാൻ പാതു മഹാദുർഗ്ഗാ
സമസ്താപന്നിവാരിണീ  (2)

നവാംഗം വാ ത്രയാംഗം വാ
ജപിത്വാ ച നവാക്ഷരീം
തതോ ജപ്ത്വാ രാത്രിസൂക്തം
ദുർഗ്ഗാസപ്തശതീം പഠേത് (3)
കേവലം പാഠമാത്രേ തു
താന്ത്രികം സൂക്തമുച്യതേ
ഹോമാംഗപാഠേ ഹോമേ ച
വൈദികം തു പ്രയോജയേത് (4)
രാത്രിസൂക്തം പാഠേദാദൗ
മദ്ധ്യേ സപ്തശതീസ്തവം
പ്രാന്തേ തു പഠനീയം വൈ
ദേവീസൂക്തം ഇതി ക്രമ  (5)
ഏകാവൃത്താവശക്തസ്യ
കംഗാളീതീ ത്രിഭിർദ്ദിനൈ
തദശക്ത പഠേദേവം
പാഠോയം വിപ്രകാര (ത) (6)
ചണ്ഡീപാഠഫലം ദേവി
ശൃണുഷ്വ ഗദതോ മമ
സങ്കല്പ്യ പൂജാം സംപൂജ്യ 
ന്യസ്യാം ഗേഷു മനൂൻ സകൃത് (7)
ഏകവൃത്ത്യാദിപാഠാനാം
പ്രത്യഹം പഠതാം നൃണാം
ഏകവൃത്യാ ദ്വിരാവൃത്ത്യാ
പാപോ രോഗോ വിനശ്യതി (8)
ഉപസർഗ്ഗോപശാന്ത്യർത്ഥം
ത്രിരാവൃത്തം പഠേന്നര
ഗ്രഹദോഷോപശാന്ത്യർത്ഥം
പഞ്ചാവൃത്തം വരാനനേ. (9)
മഹാഭയേ സമുത്പന്നേ
സപ്താവൃത്തമുദീരയേത്
നവാവൃത്ത്യാഭവച്ഛാന്തി മുച്യേത്
പ്രാണാർത്തിജാദ്ഭയാത്. (10)
രാജവശ്യായ ഭൂത്യൈ ച
രുദ്രാവൃത്തം ഉദീരയേത്.
അർക്കാവൃത്യാ വൈരിനാശ
സ്വേഷ്ടസിദ്ധിശ്ച ജായതേ (11)
മന്വാവൃത്ത്യാ രിപുർവ്വശ്യ
തഥാ സ്ത്രീവശ്യതാമിയത്
സൗഖ്യം പഞ്ചദശാവൃത്ത്യാ
മഹതീംശ്രീയമാപ്നുയാത്  (12)
കലാവൃത്ത്യാ 
പുത്രപൗത്രധനധാന്യസമൃദ്ധയ
രാജഭീതിവിനാശായ
ശത്രോരുച്ചാടനായ ച  (13)
കുര്യാത് സപ്തദശാവൃത്തം
തഥാഷ്ടാദശകം പ്രിയേ
മഹാഋണവിമോക്ഷായ
വിംശാവൃത്തം പഠേന്നര (14)
പഞ്ചവിംശാവൃത്തനാച്ച
ഭവേത് ബന്ധവിമോക്ഷണം
അഷ്ടാവിംശതിവാരേണ
ചാഷ്ടദാരിദ്ര്യനാശനം  (15)
അഷ്ടൈശ്വര്യസമൃദ്ധിശ്ച
ഷട്ത്രിംശദ്വാരപാഠത
സങ്കടേ സമനുപ്രാപ്തേ
ദുശ്ചികിത്സാഭയേ സദാ (16)
ജാതിദ്ധ്വംസേ കുലച്ഛേദേ
ചായുഷോ നാശ ആഗതേ.
വൈരിവൃദ്ധൗ വ്യാധിവൃദ്ധൗ
ധനനാശേ തഥാ ക്ഷയേ  (17)
തഥൈവ ത്രിവിധോത് പാതേ
മഹാപാതേതിപാതകേ
കുര്യാദ്യത്നാത് ശതാവൃത്തം
തത സംപദ്യതേ ശുഭം (18)
വിപദസ്തസ്യ നശ്യന്തി
വൃദ്ധിമായാന്തി സംപദ
രാജവൃദ്ധി ശതാവൃത്ത്യാ തതോ
യാതി പരാം ഗതിം  (19)
മനസാ ചിന്തിതം ദേവി
സിദ്ധ്യേദഷ്ടോത്തരാച്ഛതാത്
ശതാശ്വമേധയജ്ഞാനാം
ഫലമാപ്നോതി സുവ്രതേ
സഹസ്രാവർത്തനാല്ലക്ഷമീ
ആവൃണോതി സ്വയം സ്ഥിരാ
പ്രാപ്തോമനോഗതാൻ കാമാൻ
നരോമോക്ഷമവാപ്നുയാത്
യഥാശ്വമേധ ക്രതുഷു 
ദേവാനാം ച യഥാ ഹരി (20)
സ്തവാനാമപി സർവ്വേഷാം
തഥാ സപ്തശതീസ്തവ
അഥവാ ബഹുനോക്തേന
കിമന്യേന വരാനനേ.  (21)
ചണ്ഡ്യാശ്ശതാവൃത്തിപാഠാത്
സർവ്വസ്സിദ്ധ്യന്തി സിദ്ധയ

ഇതി ശ്രീ വരാഹീതന്ത്രേ ദേവീമാഹാത്മ്യപാരായണവിധി