രക്ഷകനേ നിനക്കു കീർത്തനം
ഏകതാളം
പല്ലവി
രക്ഷകനേ നിനക്കു കീർത്തനം അനന്തം!
ചരണങ്ങൾ
1.തിരു രക്തം ചൊരിച്ചു തിന്മപെട്ട എന്നെ നീ
പരന്നു വീണ്ടെടുത്ത മാ പക്ഷകൃപകൾക്കുമേ!......... രക്ഷകനേ
2.മരിച്ചു ഞാൻ കിടന്നേൻ നാറി ഉരുവഴിഞ്ഞേൻ
തിരിച്ചുയിർ ശക്തിസുഖം തന്നപ്രിയൻ യേശുവേ!-.... രക്ഷകനേ
3.കുരുടനായ് ഇരുന്നേൻ തൊട്ടു കാഴ്ച തന്നു നീ
നിറഞ്ഞ കുഷ്ഠ പാപത്തെ നീക്കി ശുദ്ധിനൽകി നീ-... രക്ഷകനേ
4.നീതി ശുദ്ധിബോധം നിന്തിരു നൽരൂപം
ചേതസ്സിൽ കല്പിചു തന്ന ദിവ്യ കൃപാക്കടലാം-........... രക്ഷകനേ
5.തിരുരക്തത്താലെൻ തിന്മ കുറ്റം മായിച്ചു
പര ജീവപുസ്തകത്തിലെഴുതിയെൻ നാമം നീ.............. രക്ഷകനേ
6.ഇനി പിഴയ്കാതെ എന്നും നടന്നീ-ടാൻ
കനിഞ്ഞു നിന്നാവി നിത്യം കൂടെ വസിച്ചീടണം......... രക്ഷകനേ