യഹോവ ദൈവമാം വിശുദ്ധ
യഹോവ ദൈവമാം വിശുദ്ധ ജാതി നാം
അവനവകാശമാം ജനം നാം
പരദേശികൾ നാം ഭാഗ്യശാലികൾ
ഇതുപോലൊരു ജാതിയുണ്ടോ!
ആപത്തിൽ നമ്മുടെ ദിവ്യസങ്കേതവും
ബലവും ദൈവം ഒരുവനത്രേ
ആകയാൽ പാരിടം ആകെയിളകിലും
നാമിനി ഭയപ്പെടുകയില്ല
അവനീതലത്തിൽ അപമാനം നമു-
ക്കവകാശമെന്നോർത്തിടണം
അവന്നായ് കഷ്ടതയേൽക്കുകിൽ തേജസ്സിൽ
അനന്തയുഗം വാണിടും നാം
നിര നിര നിരയായ് അണിനിരന്നിടുവിൻ
കുരിശിൻ പടയാളികളെ
ജയ ജയ ജയ കാഹളമൂതിടുവിൻ
ജയവീരനാം യേശുവിന്നു.