യരുശലേമിൻ ഇമ്പവീടെ എപ്പോൾ ഞാൻ വന്നു ചേരും

യരുശലേമിൻ ഇമ്പവീടെ എപ്പോൾ ഞാൻ വന്നു ചേരും
ധരണിയിലെ പാടും കേടും എപ്പോൾ ഇങ്ങൊഴിയും

ഭക്തരിൻ ഭാഗ്യതലമേ പരിമണസ്ഥലം നീയെ
ദുഃഖം വിചാരം പ്രയത്നം നിങ്കലങ്ങില്ലേ

രാവും അന്ധകാരം വെയിൽ ശീതവുമങ്ങില്ലേ
ദീപതുല്യം ശുദ്ധരങ്ങു് ശോഭിച്ചീടുന്നെ

രത്നങ്ങളല്ലോ നിൻ‌മതിൽ പൊന്നും മാണിക്യങ്ങൾ
പന്ത്രണ്ടു് നിൻ വാതിലുകളും മിന്നും മുത്തല്ലോ

യരുശലേമിൻ ഇമ്പവീടെ എന്നു് ഞാൻ വന്നു ചേരും
പരമരാജാവിന്റെ മഹത്ത്വം അരികിൽ കണ്ടീടും

ശ്രേഷ്ഠനടക്കാവുകളും തോട്ടങ്ങളുമെല്ലാം
കാട്ടുവാനിണയില്ലാത്ത കൂട്ടമരങ്ങൾ

ജീവനദി ഇമ്പ ശബ്ദം മേവി അതിലൂടെ
പോവതും ഈരാറുവൃക്ഷം നിൽപ്പതും മോടി

ദൂതരും അങ്ങാർത്തു സദാ സ്വരമണ്ഡലം പാടി
നാഥനെ കൊണ്ടാടിടുന്ന ഗീതം മാമോടി

യെരുശലേമിൻ അധിപനീശോ തിരുമുൻ ഞാൻ സ്തുതി പാടാൻ
വരും വരെയും അരികിൽ ഭവാൻ ഇരിക്കണം നാഥാ