യമുനാഷ്ടകം
| യമുനാഷ്ടകം രചന: |
ശ്രീഃ യമുനാഷ്ടകം 1
[തിരുത്തുക]
മുരാരികായകാളിമാലലാമവാരിധാരിണീ
തൃണീകൃതത്രിവിഷ്ടപാ ത്രിലോകശോകഹാരിണീ
മനോനുകൂലകൂലകുഞ്ജപുഞ്ജധൂതദുർമദാ
ധുനോതു നോ മനോമലം കലിന്ദനന്ദിനീ സദാ 1
മലാപഹാരിവാരിപൂരിഭൂരിമണ്ഡിതാമൃതാ
ഭൃശം പ്രവാതകപ്രപഞ്ചനാതിപണ്ഡിതാനിശാ
സുനന്ദനന്ദിനാംഗസംഗരാഗരഞ്ജിതാ ഹിതാ
ധുനോതു നോ മനോമലം കലിന്ദനന്ദിനീ സദാ 2
ലസത്തരംഗസംഗധൂതഭൂതജാതപാതകാ
നവീനമധുരീധുരീണഭക്തിജാതചാതകാ
തടാന്തവാസദാസംഹസസംവൃതാഹ്രികാമദാ
ധുനോതു നോ മനോമലം കലിന്ദനന്ദിനീ സദാ 3
വിഹാരരാസസ്വേദഭേദധീരതീരമാരുതാ
ഗതാ ഗിരാമഗോചരേ യദീയനീരചാരുതാ
പ്രവാഹസാഹചര്യപൂതമേദിനീനദീനദാ
ധുനോതു നോ മനോമലം കലിന്ദനന്ദിനീ സദാ 4
തരംഗസംഗസൈകതാന്തരാതിതം സദാസിതാ
ശരന്നിശാകരാംശുഭമഞ്ജുമഞ്ജരീ സഭാജിതാ
ഭവാർചനാപ്രചാരുണാംബുനാധുനാ വിശാരദാ
ധുനോതു നോ മനോമലം കലിന്ദനന്ദിനീ സദാ 5
ജലാന്തകേലികാരിചാരുരാധികാംഗരാഗിണീ
സ്വഭർതുരന്യദുർലഭാംഗതാംഗതാംശഭാഗിനീ
സ്വദത്തസുപ്തസപ്തസിന്ധുഭേദിനാതികോവിദാ
ധുനോതു നോ മനോമലം കലിന്ദനന്ദിനീ സദാ 6
ജലച്യുതാച്യുതാംഗരാഗലമ്പടാലിശാലിനീ
വിലോലരാധികാകചാന്തചമ്പകാലിമാലിനീ
സദാവഗാഹനാവതീർണഭർതൃഭൃത്യനാരദാ
ധുനോതു നോ മനോമലം കലിന്ദനന്ദിനീ സദാ 7
സദൈവ നന്ദിനന്ദകേലിശാലികുഞ്ജമഞ്ജുലാ
തടോത്ഥഫുല്ലമല്ലികാകദംബരേണുസൂജ്ജ്വലാ
ജലാവഗാഹിനാം നൃണാം ഭവാബ്ധിസിന്ധുപാരദാ
ധുനോതു നോ മനോമലം കലിന്ദനന്ദിനീ സദാ 8
ശ്രീഃ യമുനാഷ്ടകം 2
[തിരുത്തുക]
കൃപാപാരാവാരാം തപനതനയാം താപശമനീം
മുരാരിപ്രേയസ്യാം ഭവഭയദവാം ഭക്തിവരദാം
വിയജ്ജ്വാലോന്മുക്താം ശ്രിയമപി സുഖാപ്തേഃ പരിദിനം
സദാ ധീരോ നൂനം ഭജതി യമുനാം നിത്യഫലദാം 1
മധുവനചാരിണി ഭാസ്കരവാഹിനി ജാഹ്നവിസംഗിനി സിന്ധുസുതേ
മധുരിപുഭൂഷണി മാധവതോഷിണി ഗോകുലഭീതിവിനാശകൃതേ
ജഗദഘമോചിനി മാനസദായിനി കേശവകേലിനിദാനഗതേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 2
അയി മധുരേ മധുമോദവിലാസിനി ശൈലവിദാരിണി വേഗപരേ
പരിജനപാലിനി ദുഷ്ടനിഷൂദിനി വാഞ്ഛിതകാമവിലാസധരേ
വ്രജപുരവാസിജനാർജിതപാതകഹാരിണി വിശ്വജനോദ്ധരികേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 3
അതിവിപദംബുധിമഗ്നജനം ഭവതാപശതാകുലമാനസകം
ഗതിമതിഹീനമശേഷഭയാകുലമാഗതപാദസരോജയുഗം
ഋണഭയഭീതിമനിഷ്കൃതിപാതകകോടിശതായുതപുഞ്ജതരം
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 4
നവജലദദ്യുതികോടിലസത്തനുഹേമഭയാഭരരഞ്ജിതകേ
തഡിദവഹേലിപദാഞ്ചലചഞ്ചലശോഭിതപീതസുചേലധരേ
മണിമയഭൂഷണചിത്രപടാസനരഞ്ജിതഗഞ്ജിതഭാനുകരേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 5
ശുഭപുലിനേ മധുമത്തയദൂദ്ഭവരാസമഹോത്സവകേലിഭരേ
ഉച്ചകുലാചലരാജിതമൗക്തികഹാരമയാഭരരോദസികേ
നവമണികോടികഭാസ്കരകഞ്ചുകിശോഭിതതാരകഹാരയുതേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 6
കരിവരമൗക്തികനാസികഭൂഷണവാതചമത്കൃതചഞ്ചലകേ
മുഖകമലാമലസൗരഭചഞ്ചലമത്തമധുവ്രതലോചനികേ
മണിഗണകുണ്ഡലലോലപരിസ്ഫുരദാകുലഗണ്ഡയുഗാമലകേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 7
കലരവനൂപുരഹേമമയാചിതപാദസരോരുഹസാരുണികേ
ധിമിധിമിധിമിധിമിതാലവിനോദിതമാനസമഞ്ജുലപാദഗതേ
തവ പദപങ്കജമാശ്രിതമാനവചിത്തസദാഖിലതാപഹരേ
ജയ യമുനേ ജയ ഭീതിനിവാരിണി സങ്കടനാശിനി പാവയ മാം 8
ഭവോത്താപാംഭോധൗ നിപതിതജനോ ദുർഗതിയുതോ
യദി സ്തൗതി പ്രാതഃ പ്രതിദിനമന്യാശ്രയതയാ
ഹയാഹ്രേഷൈഃ കാമം കരകുസുമപുഞ്ജൈ രവിസുതാം
സദാ ഭോക്താ ഭോഗാന്മരണസമയേ യാതി ഹരിതാം