മഹാഭാരതം മൂലം/വനപർവം/അധ്യായം112

മഹാഭാരതം മൂലം/വനപർവം
രചന:വ്യാസൻ
അധ്യായം112

1 [ർ]
     ഇഹാഗതോ ജടിലോ ബ്രഹ്മ ചാരീ; ന വൈ ഹ്രസ്വോ നാതിദീർഘോ മനോ വീ
     സുവർണവർണഃ കമലായതാക്ഷഃ; സുതഃ സുരാണാം ഇവ ശോഭമാനഃ
2 സമൃദ്ധരൂപഃ സവിതേവ ദീപ്തഃ; സുശുക്ലകൃഷ്ണാക്ഷ തരശ് ചകോരൈഃ
     നീലാഃ പ്രസന്നാശ് ച ജടാഃ സുഗന്ധാ; ഹിരണ്യരജ്ജു ഗ്രഥിതാഃ സുദീർഘാഃ
3 ആധാര രൂപാ പുനർ അസ്യ കണ്ഠേ; വിഭ്രാജതേ വിദ്യുദ് ഇവാന്തരിക്ഷേ
     ദ്വൗ ചാസ്യ പിണ്ഡാവ് അധരേണ കണ്ഠം; അജാതരോമൗ സുമനോഹരൗ ച
4 വിലഗ്നമധ്യശ് ച സ നാഭിദേശേ; കതിശ് ച തസ്യാതികൃത പ്രമാണാ
     അഥാസ്യ ചീരാന്തർ ഇതാ പ്രഭാതി; ഹിരൻ മയീ മേഖലാ മേ യഥേയം
5 അന്യച് ച തസ്യാദ്ഭുത ദർശനീയം; വികൂജിതം പാദയോഃ സമ്പ്രഭാതി
     പാണ്യോശ് ച തദ്വത് സ്വനവൻ നിബദ്ധൗ; കലാപകാവ് അക്ഷമാലാ യഥേയം
6 വിചേഷ്ടമാനസ്യ ച തസ്യ താനി; കൂജന്തി ഹംസാ സരസീവ മത്താഃ
     ചീരാണി തസ്യാദ്ഭുത ദർശനാനി; നേമാനി തദ്വൻ മമ രൂപവന്തി
7 വക്ത്രം ച തസ്യാദ്ഭുത ദർശനീയം; പ്രവ്യാഹൃതം ഹ്ലാദയതീവ ചേതഃ
     പുംസ്കോകിലസ്യേവ ച തസ്യ വാണീ; താം ശൃണ്വതോ മേ വ്യഥിതോ ഽന്തരാത്മാ
8 യഥാ വനം മാധവ മാസി മധ്യേ; സമീരിതം ശ്വസനേനാഭിവാതി
     തഥാ സ വാത്യ് ഉത്തമപുണ്യഗന്ധീ; നിഷേവ്യമാണഃ പവനേന താത
9 സുസംയതാശ് ചാപി ജടാ വിഭക്താ; ദ്വൈധീ കൃതാ ഭാന്തി സമാ ലലാടേ
     കർണൗ ച ചിത്രൈർ ഇവ ചക്രവാലൈഃ; സമാവൃതൗ തസ്യ സുരൂപവദ്ഭിഃ
10 തഥാ ഫലം വൃത്തം അഥോ വി ചിത്രം; സമാഹനത് പാണിനാ ദക്ഷിണേന
    തദ് ഭൂമിം ആസാദ്യ പുനഃ പുനശ് ച; സമുത്പതത്യ് അദ്ഭുതരൂപം ഉച്ചൈഃ
11 തച് ചാപി ഹത്വാ പരിവർതതേ ഽസൗ; വാതേരിതോ വൃക്ഷ ഇവാവഘൂർണഃ
    തം പ്രേക്ഷ്യ മേ പുത്രം ഇവാമരാണാം; പ്രീതിഃ പരാ താത രതിശ് ച ജാതാ
12 സ മേ സമാശ്ലിഷ്യ പുനഃ ശരീരം; ജടാസു ഗൃഹ്യാഭ്യവനാമ്യ വക്ത്രം
    വക്ത്രേണ വക്ത്രം പ്രണിധായ ശബ്ദം; ചകാര തൻ മേ ഽജനയത് പ്രഹർഷം
13 ന ചാപി പാദ്യം ബഹുമന്യതേ ഽസൗ; ഫലാനി ചേമാനി മയാഹൃതാനി
    ഏവം വ്രതോ ഽസ്മീതി ച മാം അവോചത്; ഫലാനി ചാന്യാനി നവാന്യ് അദാൻ മേ
14 മയോപയുക്താനി ഫലാനി താനി; നേമാനി തുല്യാനി രസേന തേഷാം
    ന ചാപി തേഷാം ത്വഗ് ഇയം യഥൈഷാം; സാരാണി നൈഷാം ഇവ സന്തി തേഷാം
15 തോയാനി ചൈവാതി രസാനി മഹ്യം; പ്രാദാത് സ വൈ പാതും ഉദാരരൂപഃ
    പീത്വൈവ യാന്യ് അഭ്യധികഃ പ്രഹർഷോ; മമാഭവദ് ഭൂശ് ചലിതേവ ചാസീത്
16 ഇമാനി ചിത്രാണി ച ഗന്ധവന്തി; മാല്യാനി തസ്യോദ്ഗ്രഥിതാനി പട്ടൈഃ
    യാനി പ്രകീര്യേഹ ഗതഃ സ്വം ഏവ; സ ആശ്രമം തപസാ ദ്യോതമാനഃ
17 ഗതേന തേനാസ്മി കൃതോ വി ചേതാ; ഗാത്രം ച മേ സമ്പരിതപ്യതീവ
    ഇച്ഛാമി തസ്യാന്തികം ആശു ഗന്തും; തം ചേഹ നിത്യം പരിവർതമാനം
18 ഗച്ഛാമി തസ്യാന്തികം ഏവ താത; കാ നാമ സാ വ്രതചര്യാ ച തസ്യ
    ഇച്ഛാമ്യ് അഹം ചരിതും തേന സാർധം; യഥാ തപഃ സ ചരത്യ് ഉഗ്രകർമാ