മഹാഭാരതം മൂലം/ആദിപർവം/അധ്യായം98

മഹാഭാരതം മൂലം/ആദിപർവം
രചന:വ്യാസൻ
അധ്യായം 98

1 [ഭ്സ്]
     ജാമദഗ്ന്യേന രാമേണ പിതുർ വധം അമൃഷ്യതാ
     ക്രുദ്ധേന ച മഹാഭാഗേ ഹൈഹയാധിപതിർ ഹതഃ
     ശതാനി ദശ ബാഹൂനാം നികൃത്താന്യ് അർജുനസ്യ വൈ
2 പുനശ് ച ധനുർ ആദായ മഹാസ്ത്രാണി പ്രമുഞ്ചതാ
     നിർദഗ്ധം ക്ഷത്രം അസകൃദ് രഥേന ജയതാ മഹീം
3 ഏവം ഉച്ചാവചൈർ അസ്ത്രൈർ ഭാർഗവേണ മഹാത്മനാ
     ത്രിഃ സപ്തകൃത്വഃ പൃഥിവീ കൃതാ നിഃക്ഷത്രിയാ പുരാ
4 തതഃ സംഭൂയ സർവാഭിഃ ക്ഷത്രിയാഭിഃ സമന്തതഃ
     ഉത്പാദിതാന്യ് അപത്യാനി ബ്രാഹ്മണൈർ നിയതാത്മഭിഃ
5 പാണിഗ്രാഹസ്യ തനയ ഇതി വേദേഷു നിശ്ചിതം
     ധർമം മനസി സംസ്ഥാപ്യ ബ്രാഹ്മണാംസ് താഃ സമഭ്യയുഃ
     ലോകേ ഽപ്യ് ആചരിതോ ദൃഷ്ടഃ ക്ഷത്രിയാണാം പുനർ ഭവഃ
6 അഥോതഥ്യ ഇതി ഖ്യാത ആസീദ് ധീമാൻ ഋഷിഃ പുരാ
     മമതാ നാമ തസ്യാസീദ് ഭാര്യാ പരമസംമിതാ
7 ഉതഥ്യസ്യ യവീയാംസ് തു പുരോധാസ് ത്രിദിവൗകസാം
     ബൃഹസ്പതിർ ബൃഹത് തേജാ മമതാം സോ ഽന്വപദ്യത
8 ഉവാച മമതാ തം തു ദേവരം വദതാം വരം
     അന്തർവത്നീ അഹം ഭ്രാത്രാ ജ്യേഷ്ഠേനാരമ്യതാം ഇതി
9 അയം ച മേ മഹാഭാഗ കുക്ഷാവ് ഏവ ബൃഹസ്പതേ
     ഔതഥ്യോ വേദം അത്രൈവ ഷഡംഗം പ്രത്യധീയത
10 അമോഘരേതാസ് ത്വം ചാപി നൂനം ഭവിതും അർഹസി
    തസ്മാദ് ഏവംഗതേ ഽദ്യ ത്വം ഉപാരമിതും അർഹസി
11 ഏവം ഉക്തസ് തയാ സമ്യഗ് ബൃഹത് തേജാ ബൃഹസ്പതിഃ
    കാമാത്മാനം തദാത്മാനം ന ശശാക നിയച്ഛിതും
12 സംബഭൂവ തതഃ കാമീ തയാ സാർധം അകാമയാ
    ഉത്സൃജന്തം തു തം രേതഃ സ ഗർഭസ്ഥോ ഽഭ്യഭാഷത
13 ഭോസ് താത കന്യസ വദേ ദ്വയോർ നാസ്ത്യ് അത്ര സംഭവഃ
    അമോഘശുക്രശ് ച ഭവാൻ പൂർവം ചാഹം ഇഹാഗതഃ
14 ശശാപ തം തതഃ ക്രുദ്ധ ഏവം ഉക്തോ ബൃഹസ്പതിഃ
    ഉതഥ്യ പുത്രം ഗർഭസ്ഥം നിർഭർത്സ്യ ഭഗവാൻ ഋഷിഃ
15 യസ്മാത് ത്വം ഈദൃശേ കാലേ സർവഭൂതേപ്സിതേ സതി
    ഏവം ആത്ഥ വചസ് തസ്മാത് തമോ ദീർഘം പ്രവേക്ഷ്യസി
16 സ വൈ ദീർഘതമാ നാമ ശാപാദ് ഋഷിർ അജായത
    ബൃഹസ്പതേർ ബൃഹത് കീർതേർ ബൃഹസ്പതിർ ഇവൗജസാ
17 സപുത്രാഞ് ജനയാം ആസ ഗൗതമാദീൻ മഹായശാഃ
    ഋഷേർ ഉതഥ്യസ്യ തദാ സന്താനകുലവൃദ്ധയേ
18 ലോഭമോഹാഭിഭൂതാസ് തേ പുത്രാസ് തം ഗൗതമാദയഃ
    കാഷ്ഠേ സമുദ്രേ പ്രക്ഷിപ്യ ഗംഗായാം സമവാസൃജൻ
19 ന സ്യാദ് അന്ധശ് ച വൃദ്ധശ് ച ഭർതവ്യോ ഽയം ഇതി സ്മ തേ
    ചിന്തയിത്വാ തതഃ ക്രൂരാഃ പ്രതിജഗ്മുർ അഥോ ഗൃഹാൻ
20 സോ ഽനുസ്രോതസ് തദാ രാജൻ പ്ലവമാന ഋഷിസ് തതഃ
    ജഗാമ സുബഹൂൻ ദേശാൻ അന്ധസ് തേനോഡുപേന ഹ
21 തം തു രാജാ ബലിർ നാമ സർവധർമവിശാരദഃ
    അപശ്യൻ മജ്ജന ഗതഃ സ്രോതസാഭ്യാശം ആഗതം
22 ജഗ്രാഹ ചൈനം ധർമാത്മാ ബലിഃ സത്യപരാക്രമഃ
    ജ്ഞാത്വാ ചൈനം സ വവ്രേ ഽഥ പുത്രാർഥം മനുജർഷഭ
23 സന്താനാർഥം മഹാഭാഗ ഭാര്യാസു മമ മാനദ
    പുത്രാൻ ധർമാർഥകുശലാൻ ഉത്പാദയിതും അർഹസി
24 ഏവം ഉക്തഃ സ തേജസ്വീ തം തഥേത്യ് ഉക്തവാൻ ഋഷിഃ
    തസ്മൈ സ രാജാ സ്വാം ഭാര്യാം സുദേഷ്ണാം പ്രാഹിണോത് തദാ
25 അന്ധം വൃദ്ധം ച തം മത്വാ ന സാ ദേവീ ജഗാമ ഹ
    സ്വാം തു ധാത്രേയികാം തസ്മൈ വൃദ്ധായ പ്രാഹിണോത് തദാ
26 തസ്യാം കാക്ഷീവദ് ആദീൻ സ ശൂദ്രയോനാവ് ഋഷിർ വശീ
    ജനയാം ആസ ധർമാത്മാ പുത്രാൻ ഏകാദശൈവ തു
27 കാക്ഷീവദ് ആദീൻ പുത്രാംസ് താൻ ദൃഷ്ട്വാ സർവാൻ അധീയതഃ
    ഉവാച തം ഋഷിം രാജാ മമൈത ഇതി വീര്യവാഃ
28 നേത്യ് ഉവാച മഹർഷിസ് തം മമൈവൈത ഇതി ബ്രുവൻ
    ശൂദ്രയോനൗ മയാ ഹീമേ ജാതാഃ കാക്ഷീവദ് ആദയഃ
29 അന്ധം വൃദ്ധം ച മാം മത്വാ സുദേഷ്ണാ മഹിഷീ തവ
    അവമന്യ ദദൗ മൂഢാ ശൂദ്രാം ധാത്രേയികാം ഹി മേ
30 തതഃ പ്രസാദയാം ആസ പുനസ് തം ഋഷിസത്തമം
    ബലിഃ സുദേഷ്ണാം ഭാര്യാം ച തസ്മൈ താം പ്രാഹിണോത് പുനഃ
31 താം സ ദീർഘതമാംഗേഷു സ്പൃഷ്ട്വാ ദേവീം അഥാബ്രവീത്
    ഭവിഷ്യതി കുമാരസ് തേ തേജസ്വീ സത്യവാഗ് ഇതി
32 തത്രാംഗോ നാമ രാജർഷിഃ സുദേഷ്ണായാം അജായത
    ഏവം അന്യേ മഹേഷ്വാസാ ബ്രാഹ്മണൈഃ ക്ഷത്രിയാ ഭുവി
33 ജാതാഃ പരമധർമജ്ഞാ വീര്യവന്തോ മഹാബലാഃ
    ഏതച് ഛ്രുത്വാ ത്വം അപ്യ് അത്ര മാതഃ കുരു യഥേപ്സിതം