മയൂഖമാല/മരിച്ചിട്ട്
< മയൂഖമാല
| ←കേളീതല്പം | മയൂഖമാല രചന: മരിച്ചിട്ട് |
എന്തു ഫലം→ |
[ 18 ]
മരിച്ചിട്ട്
(ഒരു ഗ്രീക്ക്കവിത - പ്ലേറ്റോ)
ജീവനായികേ, നിൻ മുഖത്തിങ്കലെ-
ത്തൂവെളിച്ചം മറവതിൻമുൻപു, നീ
സുപ്രഭാതസുരുചിരതാരപോ-
ലപ്രമേയരുചി പൊഴിച്ചീടിനാൾ!
ഇന്നു നീ മരിച്ചീടവേ, മൃത്യുവിൻ
സുന്ദരാരാമമാർന്നു സുഖിച്ചിടും,
ജീവികളെക്കുളുർപ്പിക്കുമസ്സാന്ധ്യ-
താരകപോൽ വിളങ്ങുകയാം, ശുഭേ!
----ജനുവരി 1933