പുസ്തകം
| പുസ്തകം രചന: |
പുസ്തകങ്ങളിലഴുക്കു പറ്റിയാ-
ലത്തലേറ്റവുമെനിക്കു വന്നിടും;
പുത്തനായവ സദാ വിളങ്ങിയാ-
ലെത്തുമിങ്ങധികമായ കൗതുകം.
താറുമാറ വയെറിഞ്ഞിടാതെയും,
കീറിടാതെയുമൊരല്പഭാഗവും,
സാറിനുള്ളു തെളിയുന്ന മട്ടിൽ ഞാൻ
കൂറൊടൊത്തു മുറപോൽ പഠിച്ചിടും
ഞാനവറ്റിലൊരഴുക്കു തേക്കയോ
പേന പെൻസിലിവയാൽ വരയ്ക്കയോ
ചെയ്കയില്ലവ പഠിച്ചമാത്രയിൽ
ചേർത്തുവയ്ക്കുമൊരുപോലെ ഭംഗിയായ്