വിക്കിഗ്രന്ഥശാല സംരംഭത്തിൽ നിന്ന്
| “
|
ഓം
- ഓം പഞ്ചീകൃതമ്പഞ്ചമഹാഭൂതാനി തത്കാര്യം
- ച സർവം വിരാഡിത്യുച്യതേ
- ഏതത്സ്ഥുലശരിരമാത്മനഃ
- ഈന്ദ്രിയൈരർഥോപലബ്ധിർജാഗരിതം
- തദുഭയാഭിമാന്യാത്മാ വിശ്വഃ
- ഏതത് ത്രയമകാരഃ 1
- അപഞ്ചീകൃതപഞ്ചമഹാഭൂതാനി പഞ്ചതന്മാത്രണി
- തത്കാര്യം ച പഞ്ച പ്രാണാഃ ദശേന്ദ്രിയാണി
- മനോബുദ്ധിശ്ചേതി സപ്തദശകം ലിഞ്ജം ഭൗതികം
- ഹിരണ്യഗർഭ ഇത്യുച്യതേ
- ഏതത്സൂക്ഷ്മശരിരമാത്മനഃ 2
- കരണേഷൂപസംഹൃതേഷു ജാഗരിതസംസ്കാരജഃ പ്രത്യയഃ
- സവിഷയഃ സ്വപ്ന ഇത്യുച്യതേ
- യദുഭയാഭിമാന്യാത്മാ തൈജസഃ
- ഏതത് ത്രയമുകാരഃ 3
- ശരീരദ്വയകാരണമാത്മാജ്ഞാനം
- സാഭാസമവ്യാകൃതമിത്യുച്യതേ
- ഏതത് കാരണശരീരമാത്മനഃ
- തച്ച ന സന്നാസന്നാപി സദസന്ന ഭിന്നം നാഭിന്നം
- നാപി ഭിന്നാഭിന്നം കുതശ്ചിത്
- ന നിരവയവം ന സാവയവം
- നോഭയം കിന്തു
- കേവലബ്രഹ്മാത്മൈകത്വജ്ഞാനാപനോദ്യം 4
- സർവപ്രകാരജ്ഞാനോപസംഹാരേ ബുദ്ധേഃ
- കാരണാത്മനാƒ വസ്ഥാനം സുഷുപ്തിഃ
- തദുഭയാമിമാന്യാത്മാ പ്രാജ്ഞഃ
- ഏതത് ത്രയം മകാരഃ 5
- അകാര ഉകാരേ ഉകാരോ മകാരേ മകാര ഓങ്കാരേ
- ഓങ്കാരോƒ ഹമ്യേവ
- അഹമാത്മാ സാക്ഷീ കേവലശ്ചിന്മാത്രസ്വരൂപഃ
- നാജ്ഞാനം നാപി തത്കാര്യം കിന്തു
- നിത്യശുദ്ധബുദ്ധമുക്തസത്യസ്ഭാവം
- പരമാനന്ദാദ്വയം പ്രത്യഗ്ഭൂതചൈതന്യം ബ്രഹ്മൈ
- വാഹമസ്മീത്യഭേദേനാവസ്ഥാനം സമാധിഃ 6
- തത്ത്വമസി ബ്രഹ്മഹമസ്മി പ്രജ്ഞാനമാനന്ദം ബ്രഹ്മ
- അയമാത്മാ ബ്രഹ്മ ഇത്യാദിശ്രുതിഭ്യഃ 7
- ഇതി പഞ്ചീകരണം ഭവതി
|
”
|
