ന്യാസഃ

ന്യാസഃ

അസ്യ ശ്രീ ന്യാസമഹാമന്ത്രസ്യ മാർക്കണ്ഡേയ ഋഷിഃ അനുഷ്ടുപ് ഛന്ദഃ മഹാകാളീ മഹാലക്ഷീ മഹാസരസ്വതീ ദേവതഃ

ഹ്രീം ശ്രീം ക്ലീം ബീജാനി

ഇഷ്ടാർത്ഥസിദ്ധ്യർത്ഥേ ജപേ വിനിയോഗഃ

പാദയോഃ വാരാഹ്യൈ നമഃ ജങ്ഘയോഃ ബ്രഹ്മാണ്യൈ നമഃ ഊർവ്വോഃ രുദ്രാണ്യൈ നമഃ നിതംബേ നാരസിംഹ്യൈ നമഃ നാഭൌ ചാമുണ്ഡായൈ നമഃ ജഠരേ പാർവ്വത്യൈ നമഃ ഉരസി ശിവദൂതൃത്യൈ നമഃ വാമഭുജേ മാഹേശ്വര്യൈ നമഃ ദക്ഷിണഭുജേ വൈഷ്ണവ്യൈ നമഃ വാമകക്ഷേ കാള്യൈ നമഃ ദക്ഷിണകക്ഷേ രക്തദന്തികായൈ നമഃ ഹൃദയേ ശിവായൈ നമഃ കണ്ഠേ മാഹേന്ദ്ര്യൈ നമഃ മുഖേ കാത്യായന്യൈ നമഃ ശിരസി വാരാഹ്യൈ നമഃ പ്യഷ്ഠേ ശതാക്ഷ്യൈ നമഃ ഭൂമൌ ശാകംഭര്യൈ നമഃ അന്തരീക്ഷേ കൌശിക്യൈ നമഃ സർവ്വാംഗേഷു ശ്രീ ചണ്ഡികായൈ നമഃ

വിന്യസേന്മുർദ്ധ്നി കാമാക്ഷീം ദുർഗ്ഗാം ദേവീം ലലാടകേ ഭ്രുവോർമ്മദ്ധ്യേ ഭദ്രകാളീം ചക്ഷുർമ്മദ്ധ്യേ മഹേശ്വരീം

വാരാഹീം നാസികായാം ച കൌമാരീമോഷ്ഠയോർന്യസേത് ദന്തേഷു നാരസിംഹീം ച ജിഹ്വായാം ചണ്ഡികാംന്യസേത്

ശ്രോത്രദ്വയേ ന്യസേദ് ഗൗരീം കണ്ഠമദ്ധ്യേ തു വൈഷ്ണവീം ഹൃദയേ ച മഹാലക്ഷ്മീം സ്തനമദ്ധ്യേ തു പാർവ്വതീം

വക്ഷഃസ്ഥലേ ഭഗവതിം ബാഹുമുലേ തു ശാംഭവീം ബാഹുമദ്ധ്യേ ഭദ്രകാളീം അംഗുലീഷു ച മാലിനീം

ബ്രാഹ്മണിം നാഭിമദ്ധ്യേ തു കടിമദ്ധ്യേ തു യക്ഷിണീം ജംഘാദ്വയേ തഥാ ഗൌരീം ജാനുമദ്ധ്യേ തു ശാങ്കരീം.

ഗുൽഫദ്വയേ ച മാതങ്ഗീം വിജയാം പാദയോസ്തഥാ ചാമുണ്ഡാം രോമകൂപേഷു ചർമ്മാദിഷു ച ഭൈരവീം.

രുധിരാദിഷു ചേന്ദ്രാണീം പുഷ്ടാംഗീം സർവ്വ സന്ധിഷു സർവ്വാംഗേഷു ച വാഗ്ദേവീം പൃഷ്ഠേ ജ്യേഷ്ഠാം ന്യസേത് ക്രമാത്.

ഇതി ന്യാസഃ