ദൈവാത്മാവു യേശുവിനെ

 
         ആത്മ നിറവിൻ ഗീതങ്ങൾ

ദൈവാത്മാവു യേശുവിനെ വിശ്വാസിയിൽ
           മഹത്വപ്പെടുത്തുന്നതു

                  പല്ലവി
വേഗമെന്നകമതിൽ-വാ വിശുദ്ധാത്മനേ
ബഹുനാൾ ഞാൻ നിന്നെ-പുറത്തു തള്ളിയയ്യോ
           ചരണങ്ങൾ
വന്നെന്നകമേ-കുടി പാർക്കണമെ
എന്നും സാന്നിദ്ധ്യം-നിറഞ്ഞു വിലസണം

ക്രൂശിൽ മരിച്ച-ഈശനെ വഹിച്ചു
ആശുവന്നെന്നുള്ളീൽ- ആവസിക്കേണമെ

ഉയിർത്തെഴുനീറ്റ-പുരുഷോത്തമനെ
ഉള്ളത്തിലെൻ ജീവ-ശക്തിയാക്കീടുക

മഹിമാസനത്തിൽ-വാഴും മഹേശൻ
മഹിമയോടെന്നുളളിൽ-വാണരുളീടേണം

തേജോമയനാം-മനുനന്ദനനെ
ചേതസ്സിലെന്നും-പതിച്ചീടുവാനായി

ദേവശുദ്ധാത്മനേ-ആവസിക്ക എന്റെ
ജീവനിലേശുവിൻ-ഭംഗിവിളങ്ങുവാൻ

യേശുവിൻ ജീവൻ-മമ ജീവനിൽ പ്ര-
കാശിച്ചീടുവാൻ-തുണക്കുക ദേവ-

പരിശുദ്ധനെന്നിൽ-വാസം ചെയ്തീടിലോ
പരിശുദ്ധജീവൻ സാദ്ധ്യമതാകുമെ-

വാക് മനോകായം-ഒക്കെയൊന്നാകവെ
സാക്ഷി ചൊല്ലീടേണം-രക്ഷകനെ സദാ