തെക്കാനവും കൊച്ചീത്തുറവഴിയും
[പ്രാചീന മദ്ധ്യകേരളത്തിൽ പ്രചാരമുണ്ടായിരുന്ന ഒരു നാടൻ പാട്ടാണിതു്. വളരെക്കുറച്ചു വരികൾ മാത്രമുള്ള പാട്ടാണെങ്കിലും അന്നത്തെ സാമൂഹ്യസാമ്പത്തിക അവസ്ഥകളെപ്പറ്റി പല സൂചനകളും ഈ പാട്ടിലുണ്ടു്. ]
പാട്ട്
[തിരുത്തുക]ഉപ്പോടു ശർക്കര പൊൻ-
വിളയും[2] നല്ല
മാണിക്കത്തെക്കാനം
തന്നിൽ നിന്നു്,
വൈയ്ക്കത്തിനൊത്തൊരു
വള്ളുള്ളു [3]ദേശത്തു്
തെക്കാനമെന്നൊരു
ദേശമുണ്ടു്.
അന്നാട്ടിലായിര-
ത്തഞ്ഞൂറു ചെക്കു[4]ണ്ടു്
അച്ചെക്കിലാടും
കരിമ്പതുണ്ടു്.
കൊച്ചീത്തുറ[5] വഴി
വന്നോരു കപ്പൽമേൽ
ആനപ്പണമുണ്ടു്,
ചുങ്കമുണ്ടു്.
പൊന്നും മുടിയുണ്ടു്
പൊന്നരക്കോലുണ്ടു്[6]
നായരിട[7]മുണ്ടു്
കോട്ടയുണ്ടു്.
അടിക്കുറിപ്പുകൾ
[തിരുത്തുക]- ↑ സമ്പാദകൻ - കിളിമാനൂർ വിശ്വംഭരൻ (1954)
- ↑ ഉപ്പു്, ശർക്കര, പൊന്നു് ഇവയൊക്കെ സമൃദ്ധമായ നാടു് - അന്നത്തെ ഗ്രാമ്യജീവിതത്തിന്റെ സമ്പത്തിന്റെ മാനദണ്ഡങ്ങളായിരുന്നു ഇവയൊക്കെ!
- ↑ വള്ളുവനാടു്
- ↑ കരിമ്പ് ചതച്ച് (ആട്ടി) ശർക്കരയെടുക്കുന്ന ചക്ക്
- ↑ കൊച്ചിത്തുറമുഖം
- ↑ ആനപ്പണം, പൊന്നും മുടി, പൊന്നരക്കോൽ തുടങ്ങിയവ അന്നത്തെ കപ്പൽ ചുങ്കങ്ങൾ (നികുതികൾ) ആയിരുന്നു.
- ↑ നായരിടം = പടത്താവളം