സൎവ്വവേദാന്തസിദ്ധാന്ത
സാരസംഗ്രഹം.ആത്മാനമഖിലാധാരം ആശ്രയേഭീഷ്ടസിദ്ധയേ 1
തദാലംബേദയാലംബം ലംബോദരപദാംബുജം 2
പ്രേക്ഷാവതാംമുമുക്ഷൂണാം സുബോധോപപത്തയേ' 3
അഖണ്ഡസച്ചിദാനന്ദമായും, വാക്കിന്നും മനസ്സിന്നും അഗോചരമായും, സൎവ്വാധാരമായും ഇരിക്കുന്ന പരമാത്മാവിനെ സൎവ്വാഭീഷ്ടസിദ്ധിക്കൊണ്ട് ഞാനിതാ ആശ്രയിക്കുന്നു. സത്തുക്കൾക്കു വിഘ്നകാരണമായ അജ്ഞാനത്തെ നശിപ്പിക്കുന്നവനായും, ദയാസിന്ധുവായുമിരിക്കുന്ന ശ്രീവിഘ്നേശ്വരമൂർത്തിയുടെ പാദപത്മങ്ങളെ നമസ്കരിച്ചു, സകല വേദാന്തശാസ്ത്രങ്ങളാലും നിശ്ചയിക്കപ്പെട്ട സിദ്ധാന്തസാരങ്ങളെല്ലാം സംഗ്രഹിച്ചു മുമുക്ഷുക്കൾക്ക് അനായാസേന തത്ത്വബോധമുണ്ടാവാനായി ഇതാ പറയുന്നു.
ഈ ഗ്രന്ഥം വേദാന്തശാസ്ത്രങ്ങളെ അനുസരിച്ചുള്ളതാകയാൽ ആ ശാസ്ത്രങ്ങൾ ശാസ്ത്രമൂലമെന്നു പറയപ്പെടുന്ന അനുബന്ധചതുഷ്ടയത്തെ പറയാം. ഇപ്രകാരം കൃപാവാരിധിയായ സൽഗുരുവാക്യം കേട്ടു മോക്ഷേച്ശുവായ ശിഷ്യൻ ചോദിക്കുന്നു. ശിഷ്യൻ:__അല്ലയോ ഗുരോ, അനുബന്ധചതുഷ്ടയം എന്നു വെച്ചാൽ എന്തെല്ലാമാണെന്നു വിവരിച്ചുപദേശിക്കേണം.
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.