അകവൂർ ചാത്തൻ ൨൫൯
പറക്കും പാപമെല്ലാമി- പ്പറയുംപോലെ ചെയ്യുകിൽ മറയോരെന്നു വേണ്ടാർക്കും മുറിയിങ്ങിനെയാണിതിൽ. ൩൬
നേർവഴിക്കവനോതീടു- മേവമുള്ളോരുവാക്കുകൾ ഭാവഭേദം പെടാതാബ്ഭ ദേവൻ കേട്ടേവമോതിനാൻ: ൩൭
'നേരു താൻ ചാത്ത!യുക്തിക്കു ചേരുമിന്നിതു നിർണ്ണയം ഓരുമ്പൊളിതുതാൻ പാപം തീരുവാനൊരു കൌശലം. ൩൮
തീർപ്പാൻ പോകുന്ന പാപം നിൻ തീർപ്പാൽ കാണും പടിയ്ക്കു ഞാൻ ഏർപ്പടു ചെയ്തിതിൻ ബുദ്ധി- ക്കൂർപ്പാർന്നോനേ! ശരിക്കു നീ.' ൩൯
എന്നു വിപ്രേന്ദ്രനോതുമ്പോൾ നന്നു നന്നെന്നു ചാത്തനും ചെന്നു ചെയ്താനതിന്നേർപ്പാ- ടൊന്നുമേ കുറവെന്നിയേ. ൪൦
കത്തുന്ന തീയ്യിനേക്കാൾ ചൂ- ടൊത്തുള്ള ലോഹവിഗ്രഹം എത്തുന്ന നാട്ടുകാർ മാലാ- ർന്നൊത്തുനിന്നങ്ങു പാർത്തുതേ. ൪൧
ശിഷ്ടനാം ഭൂസുരന്നംഗം നഷ്ടമാമതു പുൽകിയാൽ ദുഷ്ടൻ താൻ ചാത്തനിക്കാര്യം കഷ്ടമെന്നായി നാട്ടുകാർ. ൪൨
വെൺചാരം പൂശി വിശ്വേശൻ തൻ ചാരുപ്പേർ ജപിച്ചുടൻ പഞ്ചാരനേർ മൊഴിപ്പാവ തഞചാരത്തെത്തി വിപ്രനും. ൪൩
കൂടുവാരോടുറക്കെത്തൻ കേടുരച്ചദ്വിജോത്തമൻ ഓടുകൊണ്ടുള്ളൊരപ്പാവ- യോടു ചേരാനൊരുങ്ങിനാൻ. ൪൪
അരുതിസ്സാഹസം ചെയ്തീ- ടരുതെന്നങ്ങു കൂടിയോർ പെരുതായൊച്ച പൊങ്ങിച്ചു പുരു താപാലുരച്ചുതേ. ൪൫
നാട്ടാർ ചെയ്യും തടസ്ഥത്തേ കൂട്ടാക്കാതേ ധരാസുരൻ ചുട്ടാളും പാവ പുൽകാൻ മാൽ വിട്ടാരാൽച്ചെന്നടുത്തുതേ. ൪൬
തൊട്ടു തൊട്ടില്ലയെന്നുള്ള മട്ടു പോയ് ചേർന്ന വിപ്രനേ തട്ടും രസാലിടയ്ക്കാക്ക-. ൪൭ യ്യിട്ടു ചാത്തൻ തടുത്തുതേ
മതി പുൽകേണ്ട പുൽകീല മതിനേർവക്ത്രയേബ്ഭവാൻ കൊതിയാർന്നതിനിശ്ശിക്ഷ- മതിയെന്നോതിനാനവൻ ൪൮
മതി ചെയ്തുള്ള തെറ്റിന്നു മതി ശിക്ഷയിതിന്നുതേ മതി തീർന്നൂ ഭവൽ പാപ- മിതിനാലെന്നു മോതിനാൻ. ൪൯
നല്ലാരിലാർന്നൊരുകൊതിയ്ക്കിതുശിക്ഷനന്നെ- ന്നെല്ലാവരുംതെളിവൊടന്നഥസമ്മതിച്ചു നല്ലാവഴിയ്ക്കഘമകത്തുകയില്ലചാത്ത.
നല്ലാതെമറ്റൊരുവനെന്നവനേസ്തുതിച്ചു.
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
