സംമേള്യന്തേ ഹിതത്രതത്രേന്ദ്യാ ഭൂഭാഗേഷുചാന്യത്രേന്ദ്യാ ഭർത്തൃ(വൈസറോയി)പ്രഭൃതിഭീരാജാധികൃതൈരാദരഭരപരിപൂർണ്ണഹൃദയൈ രാജഭിരുദാരചരിതൈശ്ച പ്രഭുഭിസ്സംസദഃ സ്മാരകാർത്ഥമേതസ്യ. താസുകാശ്ചനേന്ദ്യാഭൂഭാഗവ്യാപിന്യഃ കാശ്ചിന്മദ്രാദിതത്തന്മണ്ഡല(സംസ്ഥാന)പര്യാപ്താഃ കാശ്ചിതത്തജ്ജനപദമാത്രപര്യവസായിന്യഇതി തത്തന്മേളയിതൃപ്രഭാവാനുരൂപാ വിവിധതരാദൃശ്യന്തേ. ശ്രൂയതേചാസാംമേളന സമയ ഏവാതികുതൂഹലവിലാസോല്ലാസിതമാനസേഭ്യസ്തത്തദ്ദേശീയേഭ്യോ ബഹുഭ്യോനേകശതസഹസ്രലക്ഷസംഖ്യാതാനിധനാന്യലഭ്യന്തേതി.വിനിയുജ്യന്തേചകിലകുത്രചിദ്വിദ്യാഭ്യാസപരിഷ്കാരേഷു കുത്രചിച്ചധർമ്മവൈദ്യശാലാസ്ഥാപനേഷുക്വചിച്ചമംജുളതരതൽപ്രതിബിംബവിരചനേഷു കുഹചനചകരകൌശലചിത്രശാലാകലനേഷ്വിത്യേവമനേകേഷു സകലജനയോഗക്ഷേമാവഹനക്ഷമേഷു വിഷയേഷുതാനിധനാനി യഥാരുചിരുചിരമതിഭിഃ പ്രോത്സാഹകശിഖാമണിഭിഃ ഏവമിഹാപി(ശ്രീശിവപുരേപി)അതീതേസിംഹമാസേസ്മിൻ ഏകാദശദിവസേകാചനപരിഷദേതതർത്ഥംശ്രീമതോമാടമഹീ (കൊച്ചിരാജ്യ) പാലസ്യകൃത്യവിദോമാത്യസ്യപ്രോത്സാഹനപരിലാളിതാമിളിതാ.താംചാനേകേരാജാധികൃതാജന്മിനഃ കർഷകാസ്സാധാരണാശ്ചാഹമഹമികയാ കുതുകഭരപ്രസാരിതലോപനയുഗളാസ്സാദരമലങ്കുർവ്വന്തിസ്മ. സമാലോചിതാനിചതസ്യാം വിവിധതരാണിസമയോചിതകൃത്യാനി. അലഭതചതക്ഷണമേവ ത്രിസഹസ്രാധികസംഖ്യാതാനിദ്രവിണാനിജവേനൈ വൈഷാപരിഷൽ. ന ചിരാദിവതാനിധനാനി ജനസമുദായപരിതോഷജനകേഷു വിഷയേഷു യുക്തതരം വിനിയേക്തുമതിതരാം പ്രയതതേയമതിസാരമതിരമാത്യലലാമഇതി തദാലോലമനസാം ലോകാനാമനർഗ്ഗളോയമാനന്ദഃ. പരിലസതി പ്രശംസനീയേസ്മിൻ വിഷയേകസ്യവാനസ്യാൽ പരിതോഷാതിശയഃ. വിശേഷതശ്ച പ്രതിദിനം പ്രയത്നമാത്രകൃതോദരപരിപൂരണാനാമതികൃപണാനാമപ്യേതദർത്ഥമൃണദാനേപിധിഷണാ സവിലാസൈവ ഇതീദമേവസതതമധികതരമുപജനയതിനവനവം കുതൂഹലസന്താനം. തസ്മാദിയമുചിതപ്രവൃത്തിർന്നിഷ്പ്രത്യൂഹാപ്രബതവേളേവാഭ്യുദയസ്യ പരിസ്ഫുരതു. സമേധതാം ചപഞ്ചമസ്യ ന്ർജ്ജിതസകലാരാതേർജ്ജോർജ്ജമഹാരാജസ്യാസ്യ ഭുവനക്ഷേമായായുഃ ഇതിശുഭമാശംസമാനാനാമനിശമപിനോജഗദീശചരണം ശരണം.
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
