ഈ താളിൽ തെറ്റുതിരുത്തൽ വായന നടന്നിരിക്കുന്നു
118
"നമിതാനാമികാ യസ്യ പതാകസ്സ കരഃസ്മൃതഃ" (അണിവിരൽ മുന്നോട്ടു മടക്കിയാൽ പതാകമുദ്ര) എന്നു നിൎവചിക്കുമ്പോൾ, ബാലരാമഭാരതത്തിൽ,
“സമം നിരന്തരം ദീർഘം
മിഥഃസംഘട്ടിതാംഗുലിഃ
പതാകസ്തർജ്ജനീമൂല-
സംലഗ്നാംഗുഷ്ഠമുച്യതേ"
(കൈവിരലുകൾ ഒരുമിച്ചു ചേൎത്തു വിടവുകൂടാതെ പിടിച്ചു് ചൂണ്ടുവിരലിന്റെ ചുവട്ടിൽ തള്ള വിരൽ തൊടുവിക്കണം) എന്നു ലക്ഷണം കാണുന്നു. ഹസ്തലക്ഷണദീപികയിലെ ത്രിപതാകയുടെ സ്ഥാനത്താണിങ്ങനെ കാണിക്കുന്നത്. മറെറാരുദാഹരണം:- ഭ്രമരമുദ്രയ്ക്കു് ഹസ്തലക്ഷദീപികയിൽ,
“നമിതാ തൎജ്ജനീ യസ്യ സ ഹസ്തോ ഭ്രമരാഹ്വയഃ" (ചൂണ്ടുവിരൽ മടക്കിയാൽ ഭ്രമരമെന്ന മുദ്ര)
ബാലരാമഭരതത്തിൽ,
“പത്മകോശകരേ താവത്
അംഗുഷ്ഠോ മദ്ധ്യമാദ്വയം
കുഞ്ചിതം മദ്ധ്യപൎവ്വാഭ്യാം
മദ്ധ്യമാനഖരോപരി
സ്ഥിതോംഗുഷ്ഠോ യദി കരോ
ഭ്രമരഃപരികീൎത്തിതഃ“
(പത്മകോശമുദ്ര പിടിച്ചശേഷം ചൂണ്ടുവിരൽ വളച്ച് അതിൻെറ നഖത്തിന്മേൽ പെരുവിരലും അണി
