ഈ താളിൽ തെറ്റുതിരുത്തൽ വായന നടന്നിരിക്കുന്നു
ക ഥ ക ളി
_________
ഒന്നാം അദ്ധ്യായം
കല
സ്വസന്താനങ്ങളായ സകല പ്രാണികൾക്കും ഉപ
ജീവനത്തിനുതകുന്ന സാധനങ്ങളെ അപ്രമേയപ്രഭാവയായ
പ്രകൃതിദേവി പ്രദാനം ചെയ്തിട്ടുണ്ടു്. പ്രകൃതിദത്തമായ
കലയുടെ
ഉൽപത്തി
ജീവിതമാർഗ്ഗത്തേത്തന്നെ അവലംബിച്ചു കാലം നയിക്കുവാൻ മാത്രം കെല്പുള്ള പക്ഷിമൃഗാദി തിൎയ്യക് ജന്തുക്കൾ ജീവിതചൎയ്യയിൽ യാതൊരു
മാറ്റവും ഇല്ലാതെ നിരന്തരം ഒരേ രീതിയിൽ കഴിഞ്ഞുകൂടുന്നു. തങ്ങളുടെ ദിനചൎയ്യയിൽ ഒരു പരിഷ്കാരം വരുത്താൻ ബുദ്ധികൊണ്ടോ കായം കൊണ്ടോ ഈ തിൎയ്യ ക്കുകൾ ശക്തങ്ങളാകുന്നില്ല. അതുകൊണ്ടു പ്രകൃതി ജനനി കനിഞ്ഞു ദാനം ചെയ്ത സുഖസൗകൎയ്യാദികളിൽ കവിഞ്ഞു യാതൊന്നും തന്നെ പ്രസ്തുത ജന്തുക്കൾ ആശിക്കയോ അപേക്ഷിക്കയോ ചെയ്യുന്നില്ല. അമ്മകൊടുത്തതുകൊണ്ടു മാത്രം അവ സംതൃപ്തിയോടെ ജീവിക്കുന്നു.
