ഈ താളിന്റെ സാധുത തെളിയിക്കപ്പെട്ടതാണ്
പിന്നത്തേയർത്ഥിക്കു ജീവാധികങ്ങളാം
തന്നസ്ത്ര ശസ്ത്രങ്ങൾ ദാനം ചെയ്തു;
ആരാമനർജ്ജുനവൈരിയെന്നാചാര്യൻ-
കേരളനിർമ്മാണകേളികാരൻ.
XXIV
"ഈവർമ്മകുണ്ഡലദാനത്തിനാലിങ്ങു
കൈവരും ദോഷം ഞാൻ കണ്ടുവല്ലോ ! 630
മൃത്യുവശഗനാമെന്നല്ലീ ചൊന്നത്
ചിത്രമിബ്ഭീഷണിയെൻപിതാവേ !
ഭൂമിയിൽ ജാതനാം ഞാനതു ചെയ്യുകിൽ
സാമാന്യമാനുഷനാമെന്നല്ലീ ?
ആവട്ടെ,യായതാണാശാസ്യമിന്നു ഞാൻ
ദേവനുമമല്ല പുമാനുമല്ല !
മാനുഷജീവിതമാഹാത്മ്യസർവസ്വം
നൂനം തദസ്ഥിരഭാവമല്ലീ ?
നാളെയെന്നോതുവാൻ നാവില്ലാതാക്കുന്ന
നാന്മുഖൻ താനല്ലീ നമ്യനമ്യൻ 640
