ഈ താളിന്റെ സാധുത തെളിയിക്കപ്പെട്ടതാണ്
തൊണ്ണൂറുമൊൻപതും സോദരർക്കോരോരോ
മന്നിടം വേണമെന്നോർമ്മിച്ചീല;
പിഞ്ഛികകൊണ്ടുള്ള ജാലം കണക്കു ഞാൻ
കൺചിമ്മും മുന്നിലിക്കാര്യം തീർന്നു.
ഊനമറ്റിത്തരമദ്ദിനമെന്നുടെ
മാനത്തെ രക്ഷിച്ച മർത്ത്യസിംഹം-
ദാനമാം നോയ്മ്പു ഞാൻ നോൽക്കുമാറെന്നെയി-
സ്ഥാനത്തിലേറ്റിന രാജരാജൻ-
ആ മഹാനേകനെൻ പ്രാണനിൽ പ്രാണൻ; ഞാ-
നാമഹീഭർത്തൃപിണ്ഡോപജീവി 560
ഈഗ്ഘട്ടമെൻ മനോഭിത്തിയിൽ നിന്നാരു
മായ്ക്കിലും മായാത്ത ചിത്രം തന്നെ,
ആഹാ ! ജയിപ്പൂ ! വിജയിപ്പൂ ഞങ്ങൾ തൻ
സൗഹാർദ്ദം-സൗഭ്രാത്രം-സർവോൽകൃഷ്ടം
എന്നോമൽതോഴരെയെന്നു ഞാൻ കാൺകിലും
നന്ദിയാമീശന്നു നന്ദിയായി
ലോകത്തെ മാത്രമല്ലെന്നെ മറപ്പൂ ഞാ-
നാഹന്ത ! ദൈവത്തെ-സ്സർവത്തെയും !"
