ഈ യുദ്ധത്തിൽ സഹായിച്ചിട്ടുള്ള രാജാക്കന്മാരെ, അവരവരുടെ അവസ്ഥപോലെ പ്രതിഫലം കൊടുത്തു പറഞ്ഞയച്ച കൂട്ടത്തിൽ നെടുവിരിപ്പു് സ്വരൂപത്തിൽ നിന്നും ഒഴിഞ്ഞുപോകാതെയിരുന്നപ്പോൾ, വീരകേരളതമ്പുരാൻ കരപ്പുറത്തു നിന്നു സാമൂതിരിയായിട്ടു യുദ്ധം തുടങ്ങി കോതപറമ്പ് തോട്ടിങ്കലോളം ചെന്നു. അവിടെവെച്ചു പട നിറുത്തി, കിടക്കൻവഴിയെല്ലാം പെരുമ്പടപ്പ് സ്വരൂപത്തിൽ നിന്നും, ചേറ്റുവാ മണപ്പുറം നെടുവിരിച്ച് സ്വരൂപത്തിങ്കൽ നിന്നും വാഴുവാൻ തുടങ്ങി.
അവിടെനിന്നും കുറെക്കാലം കഴിഞ്ഞതിന്റെ ശേഷം ഏകദേശം ൮൭൬-ാമാണ്ടിൽ ചാഴിയൂർ താവഴിയിലുള്ള രാമവ നെന്ന വലിയ തമ്പുരാൻ ലന്തകമ്പനിയുടെ സഹായത്തോടുകൂടി നെടുവിരിപ്പ് സ്വരൂപമായിട്ടു പടതുടങ്ങി. അക്കാലത്തു സാമൂരി കോതപറമ്പിലുള്ള കോട്ടയിലായിരുന്നു താമസിച്ചിരുന്നത്. തമ്പുരാനും ലന്തക്കമ്പനിക്കാരും കൂടി അദ്ദേഹത്തിനെ അവിടെനിന്നു ഒഴിപ്പിക്കുകയും, ചേറ്റുവാ മണപ്പുറം കൈവശപ്പെടൂത്തുകയും ചെയ്തു. ചേറ്റുവാ അഴിക്കൽ ലന്തകമ്പനിയുടെ വകയായിട്ട് ഒരു കോട്ടയും സ്ഥാപിച്ചു.
ആ കോട്ട താമസിയാതെ നെടുവിരിപ്പു സ്വ
