32 ഉത്സവപ്രാൎത്ഥനകൾ.
൨.
കൎത്താവേ, നീ തലമുറ തലമുറയായിട്ടു ഞങ്ങൾക്കു ശരണ
മായിരിക്കുന്നു. മലകൾ ജനിച്ചതിന്നും നീ ഭൂമിയെയും ഉലകി
നെയും നിൎമ്മിച്ചതിന്നും മുമ്പേ അനാദിയായി എന്നേക്കും ദൈ
വമേ, നീ ഉണ്ടു. ഞങ്ങൾ ഇന്നലെ തുടങ്ങിയവരും പൊടി
യും ഭസ്മവും ആകുന്നു. ഞങ്ങളുടെ ആയുസ്സു നിന്റെ മുമ്പാ
കെ ഏതും ഇല്ലാത്തതു പോലെ തന്നെ. നീയോ അനന്യനത്രേ,
നിന്റെ ആണ്ടുകൾ തീരുകയും ഇല്ല. ഞങ്ങൾ പാപികൾ ആ
കുന്നു, ഞങ്ങളുടെ ദ്രോഹം തിരുമുമ്പിൽ വെളിപ്പെട്ടിരിക്കുന്നു.
നീയോ യഹോവേ, ഞങ്ങളുടെ പിതാവും ഞങ്ങളുടെ വീണ്ടെടു
പ്പുകാരനും ആകുന്നു, അതു എന്നും നിന്റെ പേർ തന്നെ. നി
ന്റെ മഹാക്രിയകളെ പറവാനും സ്തുതിക്കു യോഗ്യമായ നിന്റെ
പണികളെ ഒക്കയും വൎണ്ണിപ്പാനും ആർപോരും. നീ ഞങ്ങളിൽ
ചെയ്യുന്ന ഉപകാരങ്ങൾക്കു എല്ലാം ആർ പകരം ചെയ്യും? നിൻ
ദയ എത്ര വിലയേറിയതു. ദൈവമേ, മനുഷ്യപുത്രർ നിന്റെ
ചിറകുകളുടെ നിഴലിൽ ആശ്രയിച്ചുകൊള്ളുന്നു. നീ ഞങ്ങൾക്കു
എന്നും തുണയും തണലും ആകകൊണ്ടു കരുണയാലെ ഞങ്ങ
ളിൽ ഉദിപ്പിച്ച വൎഷത്തിന്റെ ആരംഭത്തിൽ ഞങ്ങളുടെ അത്മാ
വു നിന്നെ അന്വേഷിക്കുന്നു. ഞങ്ങൾക്കു ഇനി ഉണ്ടാകേണ്ടുന്ന
നാളുകൾ നിന്റെ പുസ്തകത്തിൽ എഴുതി ഇരിക്കുന്നു. തൃക്കൈ
കളിൽ ഞങ്ങൾ ജീവനും ജഡവും ദേഹിയും ആത്മാവും എല്ലാം
ഭരമേല്പിക്കുന്നു. നിന്റെ ഏകജാതനായ യേശു ക്രിസ്തുവിനെ
ഇന്നും ഞങ്ങളുടെ ഹൃദയങ്ങളിൽ പുതുതായി ഉദിപ്പിക്കേണമേ.
അവനെല്ലാ വെളിച്ചവും ജീവനും വരുത്തുന്ന നീതിസൂൎയ്യനായി
ഉദിച്ചതു. ഞങ്ങൾ കാൽ ഇടറാതെ നേരെ ഉള്ള ചാലിൽ കൂടി
നടക്കേണ്ടതിന്നു പരിശുദ്ധാത്മാവിനെ ഞങ്ങളുടെ പ്രയാണ
ത്തിൽ വഴികാട്ടിയായി തരേണമേ. ഉറക്കവും തൂക്കവും വരാത്ത
ഇസ്രയേലിൻ കാവലാളനേ, നിന്റെ സൎവ്വശക്തിയുള്ള പരിപാ
ലനത്തിൽ ഞങ്ങളെയും ചേൎത്തുകൊണ്ടു എല്ലാ വഴികളിലും
ഞങ്ങളുടെ ജീവനും വെളിച്ചവും ഊക്കുമായിരിക്കേണമേ. നിത്യ
ദൈവമേ, ഞങ്ങളെ കൈവിടൊല്ലാ;നിന്റെ രക്ഷയെ ഞങ്ങൾ
