570 തലശ്ശേരി രേഖകൾ
പണം ദൊറൊഗയിടെ കയിൽ കജാനക്ക ബോധിപ്പിച്ചി രസിതിവാങ്ങെണ്ടതിന നായരക്ക
ബൊധിച്ച ആളെ പക്കൽ കൊടുത്തയക്കയും വെണം. ആയത കൊടുത്തയച്ചില്ലാ എങ്കിൽ
കൊമ്പഞ്ഞി സക്കാറുമായി നിശ്ചയിച്ച നികിതി ദ്രവ്യം നായര മാത്രം ഇപ്രകാരം
കൊടുക്കാതെ ഇരിപ്പാൻ സങ്ങതി എതുക്ക എന്തെന്ന അറിണ്ടതിന്ന നമുക്ക വകതിരിച്ചി
വിവരമായിട്ട എഴുതി വരികയും വെണം. എന്നാൽ കൊല്ലം 974 ആമത മെടമാസം 22
നുക്ക ഇങ്കരിയസ്സ കൊല്ലം 1799 ആമത മായിമാസം 2 നു എഴുതിയതിന്റെ പെർപ്പ
കയിത്താൻ തന്ന ദിവസം ഇടവമാസം 25 നു ജുൻമാസം 5 നു വന്നത. പെർപ്പാക്കി
കൊടുത്തത.
1211 J
1469 ആമത രാജശ്രീ വടക്കെ അധികാരി തലച്ചെരി തുക്കടി സുപ്രഡെണ്ടെൻ
ജെമെസ്സ സ്ത്രീവിൻ സായ്പു അവർകൾക്ക രാജശ്രീ കടത്തനാട്ട പൊർള്ളാതിരി
ഉദയവർമ്മരാജ അവർകൾ സെല്ലാം. എന്നാൽ 74 ആമതിലെ രണ്ടാം ഗെഡുവിന്റെ
ഉറുപ്പ്യ ബൊധിപ്പിപ്പാൻ സായ്പു അവർകളുമായി നിശ്ചയിച്ച വാക്കിനെ വിത്യാസം
വരരുത എന്നുവെച്ചി രാജ്യത്തനിന്ന പിരിഞ്ഞിവന്ന ഉറുപ്പ്യ തെകയായ്കകൊണ്ട
അയ‌്യായിരം ഉറുപ്പിക കടം വാങ്ങിട്ടും 17559 ഉറുപ്പ്യ 20 നു കൊടുത്തയച്ചതാകുന്നു. ആ
ഉറുപ്പിക കൊടുത്തയച്ചത ഒന്നും സക്കാരിൽ എടുത്തില്ലാ എന്നും കള്ളനാണിയം
ആകുന്നു എന്നും മടക്കിയപ്രകാരം നമ്മുടെ ആളുകൾ നമുക്ക എഴുതി അയക്കയും
ചെയ്തു. രാജ്യത്തനിന്ന നികിതി ഉറുപ്പികക്ക കുടിയാന്മാരെ കയിന്ന പിരിഞ്ഞ വന്ന
നാണിയമത്ത്രെ നാം സർക്കാരിൽ കൊടുത്തയച്ചത. ഹൊവളികളിൽ നിന്ന വന്ന
നാണിയപ്രകാരം ഒക്കയും നമ്മുടെ കച്ചെരിയിൽ കനഗൊവികളെ കണക്കിലും
എഴുതിയിരിക്കുന്നു. ഈ കൂട്ട ഉറുപ്പിക നാണിയം നാം വെരെ വരുത്തി എന്നും ഈതിൽ
ഒരും അകംപൊറം നാം ചെതിട്ടും ഇല്ലാ. ഇതവരയിലും തുട്ട ഉറുപ്പി സർക്കാരിൽ
എടുത്തതകൊണ്ടും രാജ്യത്ത ഈ നാണിയം അല്ലാതെ വെരെ ഒന്നും കിട്ടാതെ
ഇരുന്നതകൊണ്ടും ഈ തുട്ടഉറുപ്പിക എടുക്കരുത എന്നുള്ള കല്പന സറക്കാരിൽ നിന്ന
നമുക്ക വരാതെ ഇരുന്നതകൊണ്ടും അത്ത്രെ നാം ഇതവരക്കും നാം തുട്ട ഉറുപ്പിക
നാണിയം കുടിയാന്മാരെ പക്കൽനിന്ന എടുത്ത അവർക്ക രെശിതികൊടുത്തതാകുന്നു.
അയതകൊണ്ട ഇപ്പൊൾ കൊടുത്തയച്ചഉറുപ്പിക സായ്പു അവർകളെ ദെയാവ ഉണ്ടായിട്ട
ഉറുപ്പിക സർക്കാരിൽ എടുപ്പാൻ കല്പന കൊടുക്കയും വെണം. മെപ്പട്ട നാണിയങ്ങൾ
എടുക്കെണ്ടുന്നത ഇന്നെപ്രകാരം വെണംമെന്ന കല്പന വന്നാൽ അപ്രകാരം
നടത്തുകയും ചെയ‌്യാം. ഇപ്പൊൾ കൊടുത്തയച്ചനാണിയം എടുക്കുന്നില്ല എന്ന സായ്പു
അവർകൾ മടക്കി കൊടുത്തയച്ചുയന്ന വന്നാൽ ആയത നാം ചെലവാക്കുവാൻ വെറെ
ഒരു വഴിയില്ലാ എല്ലൊ. നികിതിക്ക തന്ന കുടിയാന്മാരക്ക തന്നെ മടക്കികൊടുക്ക
വെണ്ടിയി വന്നിരിക്കുന്നു. ഇപ്പൊൾ രാജ്യത്ത ഒക്കയും തുട്ട ഉറുപ്പിക അല്ലാതെ വെറെ
ഒരു നാണിയം കാന്മാനും ഇല്ലാ. എനി മെപ്പട്ട എന്ത നാണിയം ആകുന്ന രാജ്യത്ത
നടപ്പാകുന്നു എന്നുവെച്ചാൽ എതിന്റെ ശെഷമായിട്ട കുടിയാന്മാരെ കയിന്ന
നികിതിപ്പണം വസൂൽ ആക്കി സർക്കാരിൽ ബൊധിപ്പിക്ക അല്ലാതെ വെറെ ഒരു
നിർവാഹം ഇല്ലാ എല്ലൊ. അതകൊണ്ട രാജ്യത്ത നടന്ന വന്ന വർത്തമാന ഒക്കയും
സായ്പു അവർകൾക്ക എഴുതി അറിക്കയും ചെയ്തു. ഇപ്പൊൾ കൊടുത്തയച്ച ഉറുപ്പിക
എടുപ്പാൻ കല്പന അകുകവെണ്ടിയിരിക്കുന്നു. രാജ്യത്ത നടപ്പായിട്ടും സറക്കാരിൽ
എടുത്ത വന്ന നാണിയം അല്ലാതെ ഈ രാജ്യത്ത നാണിയം അടിച്ചട്ടും നടപ്പാക്കിട്ടും
ഇല്ലാ. ഇതവരെയിലും എടുത്ത ഉറുപ്പിക കുടികൾക്കതന്നെ മടക്കുക എന്നു കല്പിച്ചാൽ
കുടികൾക്ക വളര സങ്കടമായിട്ടുള്ള കാരിയമത്രെ അകുന്നു. സറക്കാരിൽ വഞ്ചന
ആയിട്ടുള്ള എണ്ണം ഒന്നും നാം കാട്ടുകയും ഇല്ലാ. എനി ഒക്കയും സായ്പു അവർകളെ
കൃപപൊലെ. എന്നാൽ കൊല്ലം 974 ആമത ഇടവമാസം 22 നു എഴുതിയത ജൂൻമാസം
1 നു വന്നത. പെർപ്പാക്കി കൊടുത്തത.
