ഈ താളിന്റെ സാധുത തെളിയിക്കപ്പെട്ടതാണ്
— 152 —
ങ്ങളായി അറുത്തു തള്ളിയാലും അവ ഒത്തുചേരും. പൊട്ടിക്കരയിപ്പിക്കുന്ന ഹൃദയത്തിലേക്കു തീനാമ്പുകൾ കടത്തിവിടുന്ന ഈ മൂകത എന്നെന്നേക്കുമായി അവസാനിക്കട്ടെ!!!
നിമിഷങ്ങൾ കടന്നുപോയതു ഞാനറിഞ്ഞില്ല. പെട്ടെന്നു ലീസായൊന്നു പൊട്ടിച്ചിരിയ്ക്കുന്നതു കേട്ടു. ഞാൻ ഞെട്ടി കണ്ണു തുറന്നു. എന്റെ കട്ടിലിൽ തടിച്ച ഒരു മനുഷ്യനിരിക്കുന്നു..... മാണിച്ചേട്ടൻ! പച്ചച്ചിരിയുമായി കട്ടിലിനരികെ കുറേപ്പേർ തങ്ങിനില്ക്കുന്നു. ദേവകിയമ്മ, മാനേജർ, പാലയ്ക്കാക്കുഴി, സി. ആർ, കുറച്ചകലെ എന്റെ പ്രേമത്തിന്റെ മാപ്പുസാക്ഷി——ശാന്ത, അവളെക്കണ്ടപ്പോൾ എന്റെ ഹൃദയത്തിലൊരു നടുക്കം. ഒരു വേദന അനുഭവപ്പെട്ടു.
ഈ രംഗം ദീർഘിപ്പിക്കാതിരിക്കട്ടെ——ഈ നിശ്ശബ്ദത നീണ്ടും പോകാതിരിക്കട്ടെ എന്നെന്റെ ആത്മാവു് ആയിരം വട്ടം മന്ത്രിച്ചു.
