ഈസോപ്പ് കഥകൾ/നായയും എല്ലിൻ കഷ്ണവും
| ←ഉറുമ്പും പുൽച്ചാടിയും | ഈസോപ്പ് കഥകൾ രചന: നായയും എല്ലിൻ കഷ്ണവും |
ആമയും മുയലും→ |
ഭക്ഷണം തേടിയിറങ്ങിയ നായക്ക് ഒരെല്ലിൻ കഷണം കിട്ടി. അതും കടിച്ചു പിടിച്ചു കൊണ്ടു വീട്ടിലേക്ക് മടങ്ങുമ്പോൾ ഒരു പാലം കടക്കേണ്ടിവന്നു.
പാലത്തിലൂടെ നടക്കവേ തന്റെ പ്രതിബിംബം വെള്ളത്തിൽ കണ്ട നായ, അത് എല്ലിൻ കഷണവുമായി നിൽക്കുന്ന മറ്റൊരു നായയാണെന്ന് ധരിച്ചു. ആ എല്ലും കൂടി കരസ്ഥമാക്കാനായി നായ കുരച്ചുംകൊണ്ട് മറ്റെ നായക്കുനേരെ ചാടി. ഉള്ളതും പോയി. വെള്ളവുംകുടിച്ചു.
- ഗുണപാഠം: അത്യാഗ്രഹം ആപത്ത് വരുത്തും.