വിക്കിഗ്രന്ഥശാല സംരംഭത്തിൽ നിന്ന്
| “
|
- ശ്രീഹരിം പരമാനന്ദമുപദേഷ്ടാരമീശ്വരം
- വ്യാപകം സർവലോകാനാം കാരണം തം നമാമ്യഹം 1
- അപരോക്ഷാനുഭൂതിർവൈ പ്രോച്യതേ മോക്ഷസിദ്ധയേ
- സദ്ഭിരേവ പ്രയത്നേന വീക്ഷണീയാ മുഹുർമുഹുഃ 2
- സ്വവർണാശ്രമധർമേണ തപസാ ഹരിതോഷണാത്
- സാധനം പ്രഭവേത്പുംസാം വൈരാഗ്യാദി ചതുഷ്ടയം 3
- ബ്രഹ്മാദിസ്ഥാവരാന്തേശു വൈരാഗ്യം വിഷയേഷ്വനു
- യഥൈവ കാകവിഷ്ഠായാം വൈരാഗ്യം തദ്ധി നിർമലം 4
- നിത്യമാത്മസ്വരൂപം ഹി ദൃശ്യം തദ്വിപരീതഗം
- ഏവം യോ നിശ്ചയഃ സമ്യഗ്വിവേകോ വസ്തുനഃ സ വൈ 5
- സദൈവ വാസനാത്യാഗഃ ശമോƒയമിതി ശഹ്ബ്ദിതഃ
- നിഗ്രഹോ ബാഹ്യവൃത്തീനാ.ം ദമ ഇത്യഭിധീയതേ 6
- വിഷയേഭ്യഃ പരാവൃത്തിഃ പരമോപരതിർഹി സാ
- സഹനം സർവദുഃഖാനാം തിതിക്ഷാ സാ ശുഭാ മതാ 7
- നിഗമാചാര്യവാക്യേഷു ഭക്തിഃ ശ്രദ്ധേതി വിശ്രുതാ
- ചിത്തൈകാഗ്ര്യം തു സല്ലക്ഷ്യേ സമാധാനമിതി സ്മൃതം 8
- സംസാരബന്ധനിർമുക്തിഃ കഥം മേ സ്യാത്കഥാ വിധേ
- ഇതി യാ സുദൃഢാ ബുദ്ധിർവക്തവ്യാ സാ മുമുക്ഷുതാ 9
- ഉക്തസാധനയുക്തേന വിചാരഃ പുരുഷേണ ഹി
- കർതവ്യോ ജ്ഞാനസിദ്ധ്യർഥമാത്മനഃ ശുഭമിച്ഛതാ 10
- നോത്പദ്യതേ വിനാ ജ്ഞാനം വിചാരേണാന്യസാധനൈഃ
- യഥാ പദാർഥഭാനം ഹി പ്രകാശേന വിനാ ക്വചിത് 11
- കോƒഹം കഥമിദം ജാതം കോ വൈ കർതാƒസ്യ വിദ്യതേ
- ഉപാദാനം കിമസ്തീഹ വിചാരഃ സോƒയമീദൃശഃ 12
- നാഹം ഭൂതഗണോ ദേഹോ നാഹം ചാക്ഷഗണസ്തഥാ
- ഏതദ്വിലക്ഷണഃ കശ്ചിദ്വിചാരഃ സോƒയമീദൃശഃ 13
- അജ്ഞാനപ്രഭവം സർവം ജ്ഞാനേന പ്രവിലീയതേ
- സങ്കൽപോ വിവിധഃ കർതാ വിചാരഃ സോƒയമീദൃശഃ 14
- ഏതോയര്യദുപാദാനമേകം സൂക്ഷ്മം സദവ്യയം
- യഥൈവമൃദ്ഘടാദീനം വിചാരഃ സോƒയമീദൃശഃ 15
- അഹമേകോƒപി സൂക്ഷ്മശ്ച ജ്ഞാതാ സാക്ഷീ സദവ്യയഃ
- തദഹം നാത്ര സന്ദേഹോ വിചാരഃ സോƒയമീദൃശഃ 16
- ആത്മാ വിനിഷ്കലോ ഹ്യേകോ ദേഹോ ബഹുഭിരാവൃതഃ
- തയോരൈക്യം പ്രപശ്യന്തി കിമജ്ഞാനമതഃ പരം 17
- ആത്മാ നിയാമകശ്ചാമ്തർദേഹോ ബാഹ്യോ നിയമ്യകഃ
- തയോരൈകയം പ്രപശ്യന്തി കിമജ്ഞാനമതഃ പരം 18
- ആത്മാ ജ്ഞാനമയഃ പുണ്യോ ദേഹോ മാംസമയോƒശുചിഃ
- തയോരൈക്യം പ്രപശ്യന്തി കിമജ്ഞാനമതഃ പരം 19
- ആത്മാ പ്രകാശകഃ സ്വച്ഛോ ദേഹസ്താമസ ഉച്യതേ
- തയോരൈക്യം പ്രപശ്യന്തി കിമജ്ഞാനമതഃ പരം 20
- ആത്മാ നിത്യോ ഹി സദ്രൂപോ ദേഹോƒനിത്യോ ഹ്യസന്മയഃ
- തയോരൈക്യം പ്രപശ്യന്തി കിമജ്ഞാനമതഃ പരം 21
- ആത്മനസ്തത്പ്രകാശത്വം യത്പദാർഥാവഭാസനം
- നാഗ്ന്യാദിദീപ്തിവദ്ദിപ്തിർഭവത്യാന്ധ്യ യതോ നിശി 22
- ദേഹോƒഹമിത്യയം മൂഢോ ധൃത്വാ തിഷ്ഠത്യഹോ ജനഃ
- മമായമിത്യപി ജ്ഞാത്വാ ഘടദ്രഷ്ടേവ സർവദാ 23
- ബ്രഹ്മൈവാഹം സമഃ ശാന്തഃ സച്ചിദാനന്ദലക്ഷണഃ
- നാഹം ദേഹോഹ്യസദ്രൂപോ ജ്ഞാന്മിത്യുച്യതേ ബുധൈഃ 24
- നിർവികാരോ നിരാകാരോ നിരവദ്യോƒഹമവ്യയഃ
- നാഹം ദേഹോ ഹ്യസദ്രൂപോ ജ്ഞാനമുച്യതേ ബുധൈഃ 25
- നിരാമയോ നിരാഭാസോ നിർവികൽപോƒഹമാതതഃ
- നാഹം ദേഹോ ഹ്യസദ്രൂപോ ജ്ഞാനമുച്യതേ ബുധൈഃ 26
- നിർഗുണോ നിഷ്ക്രിയോ നിത്യോ നിത്യമുക്തോƒഹമച്യുതഃ
- നാഹം ദേഹോ ഹ്യസദ്രൂപോ ജ്ഞാനമുച്യതേ ബുധൈഃ 27
- നിർമലോ നിശ്ചലോƒനന്തഃ ശുദ്ധോƒഹമജരോമരഃ
- നാഹം ദേഹോ ഹ്യസദ്രൂപോ ജ്ഞാനമുച്യതേ ബുധൈഃ 28
- സ്വദേഹേ ശോഭനം സന്തം പുരുഷാഖ്യം ച സംമതം
- കിം മൂർഖ ശൂന്യമാത്മാനം ദേഹാതീതം കരോഷി ഭോഃ 29
- സ്വാത്മാനം ശ്രുണു മൂർഖ ത്വം ശ്രുത്യാ യുക്ത്യാ ച പൂരുഷം
- ദേഹാതീതം സദാകാരം സുദുർദർശം ഭവാദൃശൈഃ 30
- അഹംശബ്ദേന വിഖ്യാത ഏക ഏവ സ്ഥിതഃ പരഃ
- സ്ഥൂലസ്ത്വനേകതാം പ്രാപ്തഃ കഥം സ്യാദ്ദേഹകഃ പുമാൻ 31
- അഹം ദ്രഷ്ടൃതയാ സിദ്ധോ ദേഹോ ദൃശ്യതയാ സ്ഥിതഃ
- മമായമിതി നിർദേശാത്കഥം സ്യാദ്ദേഹകഃ പുമാൻ 32
- അഹം വികാരഹീനസ്തു ദേഹോ നിത്യം വികാരവാൻ
- ഇതി പ്രതീയതേ സാക്ഷാത്കഥം സ്യാദ്ദേഹകഃ പുമാൻ 33
- യസ്മാത്പരമിതി ശ്രുത്യാ തയാ പുരുഷലക്ഷണം
- വിനിർണീതം വിമൂഢേന കഥം സ്യാദ്ദേഹകഃ പുമാൻ 34
- സർവം പുരുഷ ഏവേതി സൂക്തേ പുരുഷസഞ്ജ്ഞിതേ
- അപ്യുച്യതേ യതഃ ശ്രുത്യാ കഥം സ്യാദ്ദേഹകഃ പുമാൻ 35
- അസംഗഃ പുരുഷഃ പ്രോക്തോ ബൃഹദാരണ്യകേƒപി ച
- അനന്തമലസംശ്ലിഷ്ടഃ കഥം സ്യാദ്ദേഹക.ഃ പുമാൻ 36
- തത്രൈവ ച സമാഖ്യാതഃ സ്വയഞ്ജ്യോതിർഹി പൂരുഷഃ
- ജഡഃ പരപ്രകാശ്യോƒയം കഥം സ്യാദ്ദേഹകഃ 37
- പ്രോക്തോƒപി കർമകാണ്ഡേന ഹ്യാത്മാ ദേഹാദ്വിലക്ഷണഃ
- നിത്യശ്ച തത്ഫലം ഭുങ്ക്തേ ദേഹപാതാദനന്തരം 38
- ലിംഗം ചാനേകസംയുക്തം ചലം ദൃശ്യം വികാരി ച
- അവ്യാപകമസദ്രൂപം തത്കഥം സ്യാത്പുമാനയം 39
- ഏവം ദേഹദ്വയാദന്യ ആത്മാ പുരുഷ ഈശ്വരഃ
- സർവാത്മാ സർവരൂപശ്ച സർവാതീതോമഹവ്യയഃ 40
- ഇത്യാത്മദേഹഭാഗേന പ്രപഞ്ചസ്യൈവ സത്യതാ
- യഥോക്താ തർകശാസ്ത്രേണ തതഃ കിം പുരുഷാർഥതാ 41
- ഇത്യാത്മദേഹഭേദേന ദേഹാത്മത്വം നിവാരിതം
- ഇദാനീം ദേഹഭേദസ്യ ഹ്യസത്ത്വം സ്ഫുടമുച്യതേ 42
- ചൈതന്യസ്യൈകരൂപത്വാദ്ഭേദോ യുക്തോ ന കർഹിചിത്
- ജ്ജ്വജ്ഞാനാത്ക്ഷണേനൈവ യദ്വദ്രജ്ജുർഹി സർപിണീ
- ഭാതി തദ്വച്ചിതിഃ സാക്ഷാദ്വിശ്വാകാരേണ കേവലാ 44
- ഉപാദാനം പ്രപഞ്ചസ്യ ബ്രഹ്മണോന്യന്ന വിദ്യതേ
- തസ്മാത്സർവപ്രപഞ്ചോƒയം ബ്രഹ്മൈവാസ്തി ന ചേതരത് 45
- വ്യാപ്യാവ്യാപകതാ മിഥ്യാ സർവമാത്മേതി ശാസനാത്
- ഇതി ജ്ഞാതേ പരേ തത്ത്വേ ഭേദസ്യാവസരഃ കുതഃ 46
- ശ്രുത്യാ നിവാരിതം നൂനം നാനാത്വം സ്വമുഖേന ഹി
- കഥം ഭാസോ ഭവേദന്യഃ സ്ഥിതേ ചാദ്വയകാരണേ 47
- ദോഷോƒപി വിഹിതഃ ശ്രുത്യാ മൃത്യ്ര്മൃർത്യും സ ഗച്ഛതി
- ഇഹ പശ്യതി നാനാത്വം മായയാ വഞ്ചിതോ നരഃ 48
- ബ്രഹ്മണഃ സർവഭൂതാനി ജായന്തേ പരമാത്മനഃ
- തസ്മാദേതാനി ബ്രഹ്മൈവ ഭവന്തീത്യവധാരയേത് 49
- ബ്രഹ്മൈവ സർവനാമാനി രൂപാണി വിവിധാനി ച
- കർമാണ്യപി സമഗ്രാണി ബിഭർതീതി ശ്രുതിർജഗൗ 50
- സുവർണാജ്ജയമാനസ്യ സുവർണത്വം ച ശാശ്വതം
- ബ്രഹ്മണോ ജായമാനസ്യ ബ്രഹ്മത്വം ച തഥാ ഭവേത് 51
- സ്വൽപമത്യന്തരം കൃത്വാ ജീവാത്മപരമാത്മനോഃ
- യഃ സന്തിഷ്ഠതി മൂഢാത്മ ഭയം തസ്യാഭിഭാഷിതം 52
- യത്രാജ്ഞാനാദ്ഭവേദ്വൈതമിതരസ്തത്ര പശ്യതി
- ആത്മത്വേന യദാ സർവം നേതരസ്തത്ര ചാണ്വപി 53
- യസ്മിൻസർവാണി ഭൂതാനി ഹ്യാത്മത്വേന വിജാനതഃ
- ന വൈ തസ്യ ഭവേന്മോഹോ ന ച ശോകോƒദ്വിതീയതഃ 54
- അയമാത്മാ ഹി ബ്രഹ്മൈവ സർവാത്മകതയാ സ്ഥിതഃ
- ഇതി നിർധാരിതം ശ്രുത്യാ ബൃഹദാരണ്യസംസ്ഥയാ 55
- അനുഭൂതോƒപ്യയം ലോകോ വ്യവഹാരക്ഷമോƒപി സൻ
- അസദ്രൂപോ യഥാ സ്വപ്ന ഉത്തരക്ഷണബാധതഃ 56
- സ്വപ്നോ ജാഗരണേƒലീകഃ സ്വപ്നേƒപി ജാഗരോ ന ഹി
- ദ്വയമേവ ലയേ നാസ്തി ലയോƒപി ഹ്യുഭയോർന ച 57
- ത്രയമേവം ഭവേന്മിഥ്യാ ഗുണത്രയവിനിർമിതം
- അസ്യേ ദ്രഷ്ടാ ഗുണാതീതോ നിത്യോ ഹ്യേകശ്ചിദാത്മകഃ 58
- അയദ്വന്മൃദി ഘടഭ്രാന്തിം ശുക്തൗ വാ രജതസ്ഥിതിം
- തദ്വദ്ബ്രഹ്മണി ജീവത്വം വീക്ഷമാണേ ന പശ്യതി 59
- യഥാ മൃദി ഘടോ നാമ കനകേ കുണ്ഡലാഭിധാ
- ശുക്തൗ ഹി രജതഖ്യാതിർജീവശബ്ദസ്തഥാ പരേ 60
- യഥൈവ വ്യോമ്നി നീലത്വം യഥാ നീരം മരുസ്ഥലേ
- പുരുഷസ്ത്വം യഥാ സ്ഥാണൗ തദ്വദ്വിശ്വം ചിദാത്മനി 61
- യഥാകാശേ ദ്വിചന്ദ്രത്വം തദ്വത്സത്യേ ജഗത്സ്ഥിതിഃ 62
- യഥാ തരംഗകല്ലോലൈർജലമേവ സ്ഫുരത്യലം
- പാത്രരൂപേണ താമ്രം ഹി ബ്രഹ്മാണ്ഡൗഘൈസ്തഥാത്മതാ 63
- ഘടനാമ്ന യഥാ പൃഥ്വീ പടനാമ്നാ ഹി തന്തവഃ
- ജഗന്നമ്നാ ചിദാഭാതി ജ്ഞേയം തത്തദഭാവതഃ 64
- സർവോƒപി വ്യവഹാരസ്തു ബ്രഹ്മണാ ക്രിയതേ ജനൈഃ
- അജ്ഞാനാന്ന വിജാനന്തി മൃദേവ ഹി ഘടാദികം 65
- കാര്യകാരണതാ നിത്യമാസ്തേ ഘടമൃദോര്യഥാ
- തഥൈവ ശ്രുതിയുക്തിഭ്യം പ്രപഞ്ച ബ്രഹ്മണോരിഹ 66
- ഗൃഹ്യമാണേ ഘടേ യദ്വന്മൃത്തികാƒയാതി വൈ ബലാത്
- വീക്ഷമാണേ പ്രപഞ്ചേƒപി ബ്രഹ്മൈവാഭാതി ഭാസുരം 67
- സദൈവാത്മാ വിശുദ്ധോƒസ്തി ഹ്യശുദ്ധോ ഭാതി വൈ സദാ
- യഥൈവ ദ്വിവിധാ രജ്ജുർജ്ഞാനിനോƒജ്ഞാനിനോƒനിശം 68
- യഥൈവ മൃന്മയഃ കുംഭസ്തദ്വദ്ദേഹോƒപി ചിന്മയഃ
- ആത്മാനാത്മവിഭാഗോƒയം മുധൈവ ക്രിയതേƒബുധൈഃ 69
- സർപത്വേന യഥാ രജ്ജൂ രജതത്വേന ശുക്തികാ
- വിനിർണീതാ വിമൂഢേന ദേഹത്വേന തഥാത്മതാ 70
- ഘടത്വേന യഥാ പൃഥ്വീ പടത്വേനൈവ തന്തവഃ
- വിനിർണീതാ വിമൂഢേന ദേഹത്വേന തഥാത്മതാ 71
- കനകം കുണ്ഡലത്വേന തരംഗത്വേന വൈ ജലം
- വിനിർണീതാ വിമൂഢേന ദേഹത്വേന തഥാത്മതാ 72
- പുരുഷത്വേന വൈ സ്ഥാണുർജലത്വേന മരീചികാ
- വിനിർണീതാ വിമൂഢേന ദേഹത്വേന തഥാത്മതാ 73
- ഗൃഹത്വേനൈവ കാഷ്ഠാനി ഖദ്ഗത്വേനൈവ ലോഹതാ
- വിനിർണീതാ വിമൂഢേന ദേഹത്വേന തഥാത്മതാ 74
- തഥാ വൃക്ഷ വിപര്യാസോ ജലാദ്ഭവതി കസ്യചിത്
- തദ്വദാത്മനി ദേഹത്വം പശ്യത്യജ്ഞാനയോഗതഃ 75
- പോതേന ഗച്ഛതഃ പുംസഃ സർവം ഭാതീവ ചഞ്ചലം
- തദ്വദാത്മനി ദേഹത്വം പശ്യത്യജ്ഞാനയോഗതഃ 76
- പീതത്വം ഹി യഥാ ശുഭ്രേ ദോഷാദ്ഭവതി കസ്യചിത്
- തദ്വദാത്മനി ദേഹത്വം പശ്യത്യജ്ഞാനയോഗതഃ 77
- ചക്ഷുഭ്യാം ഭ്രമശീലാഭ്യാം സർവം ഭാതി ഭ്രമാത്മകം
- തദ്വദാത്മനി ദേഹത്വം പശ്യത്യജ്ഞാനയോഗതഃ 78
- അലാതം ഭ്രമണൈവ വർതുലം ഭാതി സൂര്യവത്
- തദ്വദാത്മനി ദേഹത്വം പശ്യത്യജ്ഞാനയോഗതഃ 79
- മഹത്ത്വേ സർവവസ്തൂനമണുത്വം ഹ്യതിദൂരതഃ
- തദ്വദാത്മനി ദേഹത്വം പശ്യത്യജ്ഞാനയോഗതഃ 80
- സൂക്ഷ്നത്വേ സർവഭാവാനാം സ്ഥൂലത്വം ചോപനേത്രതഃ
- തദ്വദാത്മനി ദേഹത്വം പശ്യത്യജ്ഞാനയോഗതഃ 81
- കാചഭൂമൗ ജലത്വം വാ ജലഭൂമൗ ഹി കാചതാ
- തദ്വദാത്മനി ദേഹത്വം പശ്യത്യജ്ഞാനയോഗതഃ 82
- യദ്വദഗ്നൗ മണിത്വം ഹി മണൗ വാ വഹ്നിതാ പുമാൻ
- തദ്വദാത്മനി ദേഹത്വം പശ്യത്യജ്ഞാനയോഗതഃ 83
- അഭ്രേഷു സത്സു ധാവത്സു സോമോ ധാവതി ഭാതി വൈ
- തദ്വദാത്മനി ദേഹത്വം പശ്യത്യജ്ഞാനയോഗതഃ 84
- യഥൈവ ദിഗ്വിപര്യാസോ മോഹാദ്ഭവതി കസ്യചിത്
- തദ്വദാത്മനി ദേഹത്വം പശ്യത്യജ്ഞാനയോഗതഃ 85
- യഥാ ശശീ ജലേ ഭാതി ചഞ്ചലത്വേന കസ്യചിത്
- ഏവമാത്മന്യവിദ്യാതോ ദേഹാധ്യാസോ ഹി ജായതേ
- സ ഏവാത്മപരിജ്ഞാനാല്ലീയതേ ച പരം 87
- അഭാവാത്സർവഭാവാനാം ദേഹസ്യ ചാത്മനാ കുതഃ 88
- ഉത്പന്നേƒപ്യത്മവിജ്ഞാനേ പ്രാരബ്ധം നൈവ മുഞ്ചതി
- ഇതി യച്ഛൄയതേ ശാസ്ത്രേ തന്നിരാക്രിയതേƒധുനാ 90
- തത്ത്വജ്ഞാനോദയാദൂർധ്വം പ്രാരബ്ധം നൈവ വിദ്യതേ
- കർമ ജന്മാന്തരീയം യത്പ്രാരബ്ധമിതി കീർതിതം
- തത്തു ജന്മാന്തരാഭാവാത്പുംസോ നൈവാസ്തി കഹിർചിത് 92
- അധ്യസ്തസ്യ കുതോ ജന്മ ജന്മാഭാവേ ഹി തത്കുതഃ 93
- ഉപാദാനം പ്രപഞ്ചസ്യ മൃദ്ഭണ്ഡസ്യേവ കഥ്യതേ
- അജ്ഞാനം ചൈവ വേദാന്തൈസ്തസ്മിന്നഷ്ടേ ക്വ വിശ്വതാ 94
- യഥാ രജ്ജും പരിത്യജ്യ സർപം ഗൃഹ്ണാതി വൈ ഭ്രമാത്
- തദ്വത്സത്യമവിജ്ഞായ ജഗത്പശ്യതി മൂഢധീഃ 95
- രജ്ജുരൂപേ പരിജ്ഞാതേ സർപഖണ്ഡം ന തിഷ്ഠതി
- അധിഷ്ഠാനേ തഥാ ജ്ഞാതേ പ്രപഞ്ചഃ ശൂന്യതാം ഗതഃ 96
- ദേഹസ്യാപി പ്രപഞ്ചത്വാത്പ്രാരബ്ധാവസ്ഥിതിഃ കുതഃ
- അജ്ഞാനിജനബോധാർഥം പ്രാരബ്ധം വക്തി വൈ ശ്രുതിഃ 97
- ക്ഷീയന്തേ ചാസ്യ കർമാണി തസ്മിന്ദൃഷ്ടേ പരാവരേ
- ബഹുത്വം തന്നിഷേധാർഥം ശ്രുത്യാ ഗീതം ച യത്സ്ഫുതം 98
- ഉച്യതേƒജ്ഞൈർബലാച്ചൈതത്തദാനർഥദ്വയാഗമഃ
- വേദാന്തമതഹാനം ച യതോ ജ്ഞാനമിതി ശ്രുതിഃ 99
- ത്രിപഞ്ചാംഗാന്യതോ വക്ഷ്യേ പൂർവോക്തസ്യ ഹി ലബ്ധയേ
- തൈശ്ച സർവൈഃ സദാ കാര്യം നിദിധ്യാസനമേവ തു 100
- നിത്യാഭ്യാസാദൃതേ പ്രാപ്തിർന ഭവേത്സച്ചിദാത്മനഃ
- തസ്മാദ്ബ്രഹ്മ നിദിധ്യാസേജ്ജിജ്ഞാസുഃ ശ്രേയസേ ചിരം 101
- യമോ ഹി നിയമസ്ത്യാഗോ മൗനം ദേശശ്ച കാലതാ
- ആസനം മൂലബന്ധശ്ച ദേഹസാമ്യം ച ദൃക്സ്ഥിതിഃ 102
- പ്രാണസംയമനം ചൈവ പ്രത്യാഹാരശ്ച ധാരണാ
- ആത്മധ്യാനം സമാധിശ്ച പ്രോക്താന്യംഗാനി വൈ ക്രമാത് 103
- സർവം ബ്രഹ്മേതി വിജ്ഞാനാദിന്ദ്രിയഗ്രാമസംയമഃ
- യമോƒയമിതി സമ്പ്രോക്തോƒഭ്യസനീയോ മുഹുർമുഹുഃ 104
- സജാതീയപ്രവാഹശ്ച വിജാതീയതിരസ്കൃതിഃ
- നിയമോ ഹി പരാനന്ദോ നിയമാത്ക്രിയതേ ബുധൈഃ 105
- ത്യാഗഃ പ്രപഞ്ചരൂപസ്യ ചിദാത്മത്വാവലോകനാത്
- ത്യാഗോ ഹി മഹതാം പൂജ്യഃ സദ്യോ മോക്ഷമയോ യതഃ 106
- യസ്മാദ്വാചോ നിവർതന്തേ അപ്രാപ്യ മനസാ സഹ
- യന്മൗനം യോഗിഭിർഗമ്യം തദ്ഭവേത്സർവദാ ബുധഃ 107
- വാചോ യസ്യാന്നിവർതന്തേ തദ്വക്തും കേന ശക്യതേ
- പ്രപഞ്ചോ യദി വക്തവ്യഃ സോƒപി ശബ്ദവിവർജിതഃ 108
- ഇതി വാ തദ്ഭവേന്മൗനം സതാം സഹജ സഞ്ജ്ഞിതം
- ഗിരാ മൗനം തു ബാലാനാം പ്രയുക്തം ബ്രഹ്മവാദിഭിഃ 109
- ആദാവന്തേ ച മധ്യേ ച ജനോ യസ്മിന്ന വിദ്യതേ
- യേനേദം സതതം വ്യാപ്തം സ ദേശോ വിജനഃ സ്മൃതഃ 110
- കലനാത് സർവഭൂതാനാം ബ്രഹ്മാദീനാം നിമേഷതഃ
- കാലശബ്ദേന നിർദിഷ്ടോ ഹ്യഖണ്ഡാനന്ദകോƒദ്വയഃ 111
- സുഖേനൈവ ഭേദ്യസ്മിന്നജസ്രം ബ്രഹ്മചിന്തനം
- ആസനം തദ്വിജാനീയാന്നേതരത്സുഖനാശനം 112
- സിദ്ധം യത്സർവഭൂതാദി വിശ്വാധിഷ്ഠാനമവ്യയം
- യസ്മിൻസിദ്ധാഃ സമാവിഷ്ടാസ്തദ്വൈ സിദ്ധാസനം വിദുഃ 113
- യന്മൂലം സർവഭൂതാനാം യന്മൂലം ചിത്തബന്ധനം
- മൂലബന്ധഃ സദാ സേവ്യോ യോഗ്യോƒസൗ രാജയോഗിനാം 114
- അംഗാനാം സമതാം വിദ്യാത്സമേ ബ്രഹ്മണി ലീനതാം
- നോ ചേന്നൈവ സമാനത്വമൃജുത്വം ശുഷ്കവൃക്ഷവത് 115
- ദൃഷ്ടിം ജ്ഞാനമയീം കൃത്വാ പശ്യേദ്ബ്രഹ്മമയം ജഗത്
- സാ ദൃഷ്ടിഃ പരമോദാരാ ന നാസാഗ്രാവലോകിനീ 116
- ദ്രഷ്തൃദർശനദൃശ്യാനാം വിരാമോ യത്ര വാ ഭവേത്
- ദൃഷ്ടിസ്തത്രൈവ കർതവ്യാ ന നാസാഗ്രാവലോകിനീ 117
- ചിത്താദിസർവഭാവേഷു ബ്രഹ്മത്വേനൈവ ഭാവനാത്
- നിരോധഃ സർവ വൃത്തീനാം പ്രാണായാമഃ സ ഉച്യതേ 118
- നിഷേധനം പ്രപഞ്ചസ്യ രേചകാഖ്യഃ സമീരണഃ
- ബ്രഹ്മൈവാസ്മീതി യാ വൃത്തിഃ പൂരകോ വായുരീരിതഃ 119
- തതസ്തദ്വൃത്തിനൈശ്ചല്യം കുംഭകഃ പ്രാണസംയമഃ
- അയം ചാപി പ്രബുദ്ധാനാമജ്ഞാനാം ഘ്രാണപീഡനം 120
- വിഷയേഷ്വാത്മതാം ദൃഷ്ട്വാ മനസശ്ചിതി മജ്ജനം
- പ്രത്യാഹാരഃ സ വിജ്ഞേയോƒഭ്യസനീയോ മുമുക്ഷുഭിഃ 121
- യത്ര യത്ര മനോ യാതി ബ്രഹ്മണസ്തത്ര ദർശനാത്
- മനസോ ധാരണം ചൈവ ധാരണാ സാ പരാ മതാ 122
- ബ്രഹ്മൈവാസ്മീതി സദ്വൃത്ത്യാ നിരാലംബതയാ സ്ഥിതിഃ
- ധ്യാനശബ്ദേന വിഖ്യാതാ പരമാനന്ദദായിനീ 123
- നിർവികാരതയാ വൃത്ത്യാ ബ്രഹ്മാകാരതയാ പുനഃ
- വൃത്തിവിസ്മരണം സമ്യക്സമാധിർജ്ഞാനസഞ്ജ്ഞകഃ 124
- ഇമഞ്ചാകൃത്രിമാനന്ദം താവത്സാധു സമഭ്യസേത്
- വശ്യോ യാവത്ക്ഷണാത്പുംസഃ പ്രയുക്തഃ സൻ ഭവേത്സ്വയം 125
- തതഃ സാധനനിർമുക്തഃ സിദ്ധോ ഭവതി യോഗിരാട്
- തത്സ്വരൂപം ന ചൈതസ്യ വിണയോ മനസോ ഗിരാം 126
- സമാധൗ ക്രിയമാണേ തു വിഘ്നാന്യായാന്തി വൈ ബലാത്
- അനുസന്ധാനരാഹിത്യമാലസ്യം ഭോഗലാലസം 127
- ലയസ്തമശ്ച വിക്ഷേപോ രസാസ്വാദശ്ച ശൂന്യതാ
- ഏവം യദ്വിഘ്നബാഹുല്യം ത്യാജ്യം ബ്രഹ്മവിദാ ശനൈഃ 128
- ഭാവവൃത്ത്യാ ഹി ഭാവത്വം ശൂന്യവൃത്ത്യാ ഹി ശൂന്യതാ
- ബ്രഹ്മവൃത്ത്യാ ഹി പൂർണത്വം തഥാ പൂർണത്വമഭ്യസേത് 129
- യേ ഹി വൃത്തിം ജഹത്യേനാം ബ്രഹ്മാഖ്യാം പാവനീം പരാം
- വൃഥൈവ തേ തു ജീവന്തി പശുഭിശ്ച സമാ നരാഃ 130
- യേ ഹി വൃത്തിം വിജാനന്തി ജ്ഞാത്വാപി വർധയന്തി യേ
- തേ വൈ സത്പുരുഷാ ധന്യാ വന്ദ്യാസ്തേ ഭുവനത്രയേ 131
- യേഷാം വൃത്തിഃ സമാ വൃദ്ധാ പരിപക്വാ ച സാ പുനഃ
- തേ വൈ സദ്ബ്രഹ്മതാം പ്രാപ്താ നേതരേ ശബ്ദവാദിനഃ 132
- കുശലാ ബ്രഹ്മവാർതായാം വൃത്തിഹീനാഃ സുരാഗിണഃ
- തേƒപ്യജ്ഞാനതയാ നൂനം പുനരായാന്തി യാന്തി ച 133
- നിമേഷാർധം ന തിഷ്ഠന്തി വൃത്തിം ബ്രഹ്മമയീം വിനാ
- യഥാ തിഷ്ഠന്തി ബ്രഹ്മാദ്യാഃ സനകാദ്യഃ ശുകാദയഃ 134
- കാര്യേ കാരണതായാതാ കാരണേ ന ഹി കാര്യതാ
- കാരണത്വം തതോ ഗച്ഛേത്കാര്യാഭാവേ വിചാരതഃ 135
- അഥ ശുദ്ധം ഭവേദ്വസ്തു യദ്വൈ വാചാമഗോചരം
- ദ്രഷ്ടവ്യം മൃദ്ഘടേനൈവ ദൃഷ്ടാന്തേന പുനഃ പുനഃ 136
- അനേനൈവ പ്രകാരേണ വൃത്തിബ്രഹ്മാത്മികാ ഭവേത്
- ഉദേതി ശുദ്ധചിത്താനാം വൃത്തിജ്ഞാനം തതഃ പരം 137
- കാരണം വ്യതിരേകേണ പുമാനാദൗ വിലോകയേത്
- അന്വയേന പുനസ്തദ്ധി കാര്യേ നിത്യം പ്രപശ്യതി 138
- കാര്യേ ഹി കാരണം പശ്യേത്പശ്ചാത്കാര്യം വിസർജയേത്
- അന്വയേന പുനസ്തദ്ധി കാര്യേ നിത്യം പ്രപശ്യതി 139
- ഭാവിതം തീവ്രവേഗേന യദ്വസ്തു നിശ്ചയാത്മനാ
- പുമാംസ്തദ്ധി ഭവേച്ഛീഘ്രം ജ്ഞേയം ഭ്രമരകീടവത് 140
- അദൃശ്യം ഭാവരൂപഞ്ച സർവമേവ ചിദാത്മകം
- സാവധാനതയാ നിത്യം സ്വാത്മാനം ഭാവയേദ്ബുധഃ 141
- ദൃശ്യം ഹ്യദൃശ്യതാം നീത്വാ ബ്രഹ്മാകാരേണ ചിന്തയേത്
- വിദ്വാന്നിത്യസുഖേ തിഷ്ഠേദ്ധിയ ചിദ്രസപൂർണയാ 142
- ഏഭിരംഗൈഃ സമായുക്തോ രാജയോഗ ഉദാഹൃതഃ
- കിഞ്ചിത്പക്വകഷായാണാം ഹഠയോഗേന സംയുതഃ 143
- പരിപക്വം മനോ യേഷം കേവലോƒയം ച സിദ്ധിദഃ
- ഗുരുദൈവതഭക്താനാം സർവേഷാം സുലഭോ ജവാത് 144
ഇതി
|
”
|
