കല്ലും മുള്ളുമക്കാടും മലകളും
മെല്ലെമെല്ലെക്കടന്നു പണിപ്പെട്ടു
ചെല്ലുന്നേരമൊരാരോഹണം തന്നിൽ
വല്ലഭന്റെ ശരീരം തടകയാൽ
അക്കഥയും ചുരുക്കിപ്പറഞ്ഞീടാം
തസ്കരന്മാരതിനിഹ കാരണം
തത്ര രാജ്യേ വസിയ്ക്കുന്ന ഭൂപന്റെ
പത്തനത്തിലകം പുക്കു കള്ളന്മാർ
രാജകിങ്കരന്മാരുമുണർന്നിതേ
കള്ളന്മാരുടെ പിമ്പേ ഭടന്മാരും
കൊള്ളിയും മിന്നിമിന്നിപ്പുറപ്പട്ടു
കാനനംതന്നിൽ മാണ്ഡവ്യമാമുനി
ധ്യാനമൌനവിലോചനനാകയാൽ
നിശ്ചലനായിരിയ്ക്കും മുനിയോടു
നിശ്ചയം വരുമാറങ്ങു ചോദിച്ചു
താനുണ്ടോ കണ്ടു തസ്കരക്കൂട്ടത്തെ
കാനനംതന്നിലോടിവരുന്നതു്?
എന്നു ചോദിച്ചു കിങ്കരന്മാരോട്
ഒന്നും മിണ്ടീല മാമുനിശ്രേഷ്ഠനും
ഉത്തരമുരിയാടാത്തതെന്തെടോ!
ഇത്തരമവർ ചിന്തിച്ചു പോയുടൻ
കൊള്ളിയും മിന്നി നാലു ദിക്കിങ്കലും
കള്ളന്മാരെത്തിരഞ്ഞു പിടികൂടി
പട്ടുപൊൻപണം പെട്ടകമെന്നിവ
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
