മറകൾ പെട്ടികൾ വിചിത്രമത്രയും
ചെരുപ്പു തൊപ്പികൾ പുതപ്പു കുപ്പായം
അടിപ്പുമെത്തയും വിരിപ്പു മേല്ക്കെട്ടി
ഇവയെല്ലാം വെട്ടിപ്പൊളിച്ചു ധൂളിച്ചു
കളിച്ചഹങ്കരിച്ചവർ നടക്കയും
അറിഞ്ഞു പൂച്ചകളറപ്പുരേറി
കടിച്ചതൊക്കെവേ കടഞ്ഞു കൊയ്ക്കയും
കറുകറുത്തെല കടിച്ചുടയ്ക്കയും
വിറക്കുന്നു മീശ തുരിക്കുന്നു കണ്ണും
ചതിച്ചതാരെടോ നശിച്ചുപോകട്ടെ_
ഞൊളിച്ചുപോവനും കഴിവുണ്ടീല
പയറ്റിടയിൽ ചെന്നൊളിയ്ക്കുന്നൊരെലി
അവിടേയും ചെന്നുപിടിക്കുന്നു പൂച്ച
പിടിയ്ക്കുമ്പോളങ്ങു പിടിയ്ക്കൊന്നൊരെലി
പിടിയ്ക്കുമ്പോൾ കടി മുറുക്കുന്നു പൂച്ച
പുറപ്പതിയിൽ ചെന്നൊളിയ്കന്നൊരെലി
അവിടേയും ചെന്നു പിടിക്കുന്നു പൂച്ച
കുരുക്കൾ തന്നുടം കടുക്കു സഞ്ചിയിൽ
ഇരിപത്തൊന്നെലി കടന്നൊളിക്കുന്നു
പണിക്കർ തന്നുടെ പരുത്ത സഞ്ചിയിൽ
ഉടനെ പത്തെലി കടന്നു കൂടിനാർ
അതുപോലെ തന്നെ പല സ്ഥലത്തിലും
കടന്നു കൂടികൊണ്ടിരുന്നു മെല്ലവെ
ഇവയെല്ലാമങ്ങു പറഞ്ഞു കേൾപ്പിച്ചു
കിളിക്കിടാവിതാ പറന്നു പോകുന്നു
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
