ഇന്ദിരാപതി ദേവൻ മുരാന്തകൻ
അത്രിയെന്നുള്ള താപസശ്രേഷടന്റെ
ആശ്രമം നോക്കിപ്പോന്നാലുമേവരും
തത്ര ചെന്നാലുപായങ്ങളുണ്ടാക്കും
കല്ല്യാണാംഗി കനിവുള്ള താപസി
ലക്ഷ്മിനായകനിത്ഥമരുൾചെയ്തു
പക്ഷിരാജന്റെ കണ്ഠേ കരേറിനാൻ
അന്നതിന്റെ പുറമേറി ബ്രഹ്മാവും
മുന്നിലാമ്മാറു വേഗം നടകൊണ്ടു
കാളതന്നുടെ കണ്ഠേ വസിയ്ക്കുന്ന
നീലകണ്ഠനും പിമ്പേയെഴുന്നെള്ളി
വൈനതേയന്റെ കണ്ഠേ വസിയ്ക്കുന്ന
വൈകുണ്ഠൻ താനും പിമ്പേയെഴുന്നള്ളി
നാലു കൊമ്പുള്ള വെള്ളഗ്ഗജേന്ദ്രന്മേൽ
നാകനാഥൻ കരേറി വിളങ്ങിനാൻ
വാനരന്മാരും യാനാമുനികളും
യാനം ചെയ്തു മഹായോഗമിങ്ങനെ
അത്രിതാപസശ്രേഷ്ഠൻ വസിയ്ക്കുന്നൊ
രാശ്രമം നോക്കിപോന്നാലുമേവരും
വൃത്രവൈരിയും ദേവകദംബവും
അത്രിയെച്ചെന്നു വന്ദിച്ചനന്തരം
വേറെച്ചെന്നങ്ങനസൂയയോടല്ലാം
ഏറെബ്ഭക്ത്യാ വിശേഷമറിയിച്ചു
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
