ഈ താളിൽ തെറ്റുതിരുത്തൽ വായന നടന്നിരിക്കുന്നു
വട്ടച്ചേറ്റം തുടമെഴുമിള-
- ന്നീർ കുടിക്കും കണക്കേ
വെട്ടിത്തൂക്കിത്തല ദനുഭുവാം-
- ചോരിവെള്ളം പിബന്തീം
ഒട്ടേ വെള്ളച്ചെകിറിണ വിള-
- ങ്ങിച്ചിരിണ്ടങ്ങു മാനം
മുട്ടത്തട്ടുംപടി നെടിയളാം-
- കാളിയെക്കൂപ്പുപിന്നെ. 56
കട്ടിച്ചുച്ചൈരിളകിയലറി-
- പ്പാഞ്ഞു പൊട്ടിച്ചിരിച്ച-
ക്ഖട്വാംഗം കൊണ്ടുടലി-
- ലസുരാൻ നിർദ്ദയം മർദ്ദയന്തീ
പക്കച്ചോരിക്കളിയിടയിടേ-
- നക്കി നട്ടം കുനിച്ച-
ങ്ങൊക്കക്കൂളിപ്പട ചുഴല നി-
- ന്റാർക്കുമമ്മേ! തൊഴുന്റേൻ. 57
ഇത്ഥംഭക്ത്യാ ഭുവനജനനീം
- വാഴ്ത്തി നിശ്ശേഷസമ്പൽ-
കർത്താരം ചിങ്ങപുരമമരും[1]
- ദേവദേവം വണങ്ങി
ഗത്വാ മുല്പാടരയകുളമാം[2]-
- താമരപ്പൊയ്കയിൽച്ചെ-
ന്നസ്തം ഭാനൌ വിശതി തിരുവ
- ഞ്ചക്കളം പൂക നീയും. 58
മാറ്റാർനെഞ്ചിൽക്കുതരുമുടവാ-
- ണ്മേൽ പുരണ്ടോരു ചോരി-
ച്ചാറ്റാലൂട്ടപ്പെടുമുരുഭുജ-
- സ്തംഭഗംഭീരസാരഃ
