ഗീതഗോവിന്ദം/അഷ്ടപദി 16

വിക്കിഗ്രന്ഥശാല സംരംഭത്തിൽ നിന്ന്
Jump to navigation Jump to search
ഗീതഗോവിന്ദം
രചന:ജയദേവൻ
അഷ്ടപദി - പതിനാറ്
ഗീതഗോവിന്ദം


അനില തരള കുവലയ നയനേന

തപതി ന സാ കിസലയശയനേന

സഖി യാ രമിതാ വനമാലിനാ

വികസിത സരസിജ ലളിത മുഖേന

സ്ഫുടതി ന സാ മനസിജവിശിഖേന

അമൃത മധുര മൃദുതര വചനേന

ജ്വലതി ന സാ മലയജപവനേന

സ്ഥലജലരുഹരുചികരചരണേന

ലുഠതി ന സാ ഹിമകരകിരണേന

സജലജലദ സമുദയരുചിരേണ

ദളതി ന സാഹൃദി വിരഹഭരേണ

കനക നികഷരുചിശുചിവസനേന

ശ്വസിതി ന സാ പരിജനഹസനേന

സകല ഭുവനജന വരതരുണേന

വഹതി ന സാ രുജമതികരുണേ‍ന

ശ്രീജയദേവഭണിതവചനേന

പ്രവിശതു ഹരിരപി ഹൃദയമനേന


ശ്ലോകം - അമ്പത്തിയൊന്ന്

മനോഭവാനന്ദന! ചന്ദനാനില!

പ്രസീദ മേ ദക്ഷിണ! മുഞ്ച വാമതാം

ക്ഷണം ജഗല്പ്രാണ വിധായമാധവം

പുരോമമ പ്രാണഹരോ ഭവിഷ്യസി


ശ്ലോകം - അമ്പത്തിരണ്ട്

രിപുരിവ സഖീസംവാസോയം ശിഖീവ ഹിമാനിലോ

വിഷമിവ സുധാരശ്മിഃ ദൂരം ദുനോതി മനോഗമം

ഹൃദയമദയേ തസ്മിന്നേവം പുനർവലതേബലാൽ

കവലയദൃശാം വാമഃ കാമോ നികാമനിരങ്കുശഃ


ശ്ലോകം - അമ്പത്തിമൂന്ന്

ബാധാം വിധേഹി മലയാനില! പഞ്ചബാണ!

പ്രാണാൻ ഗൃഹാണ നഗൃഹം പുനരാശ്രയിഷ്യേ

കിം തേ കൃതാന്തഭഗിനി! ക്ഷമയാതരംഗൈഃ

അംഗാനി സിഞ്ച മമ ശ്യാമ്യതുദേഹദാഹഃ


ശ്ലോകം - അമ്പത്തിനാല്

പ്രാതർന്നീലനിചോളമച്യുതമുരഃസവിത പീതാംബരം

രാധായാശ്ചകിതം വിലോക്യ ഹസതി സ്വൈര്യം സഖീമണ്ഡലേ

വ്രീളാചഞ്ചലമഞ്ചലം നയനയോഃ ആധായ രാധാനനേ

സാധുസ്മേര മുഖോയമസ്തു ജഗദാനന്ദായ നന്ദാത്മജഃ


സർഗ്ഗം- എട്ട്- വിലക്ഷലക്ഷ്മീപതി


ശ്ലോകം - അമ്പത്തിയഞ്ച്

അഥകഥമപി യാമിനീം വിനീയ

സ്മരശരജർജ്ജരിതാപി സാപ്രഭാതേ

അനുനയവചനം വദന്തമഗ്രേ

പ്രണതമപി പ്രിയമാഹ സാഭ്യസൂയം.

"https://ml.wikisource.org/w/index.php?title=ഗീതഗോവിന്ദം/അഷ്ടപദി_16&oldid=62327" എന്ന താളിൽനിന്ന് ശേഖരിച്ചത്