ഗീതഗോവിന്ദം/അഷ്ടപദി 8

വിക്കിഗ്രന്ഥശാല സംരംഭത്തിൽ നിന്ന്
ഗീതഗോവിന്ദം
രചന:ജയദേവൻ
അഷ്ടപദി - എട്ട്
ഗീതഗോവിന്ദം


അഷ്ടപദി എട്ട്

നിന്ദതി ചന്ദനമിന്ദുകിരണമനുവിന്ദതി ഖേദമധീരം
വ്യാളനിലയമിളനേന ഗരളമിവ കലയതി മലയസമീരം
സാ വിരഹേ തവ ദീനാ മാധവ, മനസിജവിശിഖഭയാദിവ ഭാവനയാ ത്വയി ലീനാ
അവിരളനിപതിതമദനശരാദിവ ഭവദവനായ വിശാലം
സ്വഹൃദയമർമ്മണി വർമ്മകരോതി സജലനളിനീ ദളജാലം.
കുസുമവിശിഖശരതല്പമനല്പവിലാസകലാകമനീയം
വ്രതമിവതവപരിരംഭസുഖായ കരോതി കുസുമശയനീയം.
വഹതിച ഗളിതവിലോചനജലധരമാനനകമലമുദാരം
വിധുമിവ വികടവിധുന്ദുദ ദന്തദലന ഗളിതാമൃതധാരം
വിലിഖതി രഹസി കുരംഗമദേന ഭവന്തമസമശരഭൂതം
പ്രണമതിമകരമേധോവിനിധായ കരേ ച ശരം നവചൂതം.
ധ്യാനലയേന പുരാ പരികല്പ്യ ഭവന്തമതീവ ദുരാപം
വിലഹതി ഹസതി വിഷീദതി രോദിതി ചഞ്ചതി മുഞ്ചതി താപം
പ്രതിപദമിദമപി നിഗദതി മാധവ! ചരണേ പതിതാഹം
ത്വയി വിമുഖേ മയി സപദി സുധാനിധി രപിതനുതേ തനുദാഹം
ശ്രീജയദേവഭണിതമിദമധികം യദി മനസാനടനീയം
ഹരിവിരഹാകുലവല്ലവയുവതി സഖീവചനം പഠനീയം

ശ്ലോകം - ഇരുപത്തിയെട്ട്

ആവാസോ വിപിനായതേ പ്രിയസഖീമാലാപി ജാലായതേ
താപോ നിശ്വസിതേന ദാവദഹനജ്വാലാകലാപായതേ
സാപി ത്വദ്വിരഹേണ ഹന്ത! ഹരിണീരൂപായതേ ഹാ കഥം
കന്ദർപ്പോപി, യമായതേ വിരചയൻ ശാർദ്ദൂലവിക്രീഡിതം.

"http://ml.wikisource.org/w/index.php?title=ഗീതഗോവിന്ദം/അഷ്ടപദി_8&oldid=62315" എന്ന താളിൽനിന്നു ശേഖരിച്ചത്