കേൾ ശുദ്ധാത്മാ- മന്ദസ്വരം
പല്ലവി
കേൾ ശുദ്ധാത്മാ- മന്ദ സ്വരം ധ്വനിക്കുന്നെൻ മനമെ:
കീഴ് വഴങ്ങി അനുസരിക്ക സദാ
ചരണങൾ
തൻ മന്ദിരം തനിക്കൊഴിഞ്ഞു കൊടുക്ക വേഗം നീ
താനതിലാവസിക്കട്ടെ സർവ്വദാ
ക്രൂശേറിയ കർത്താവിനെ
തേജസ്സിൽ വാഴും രാജനെ
താൻ വഹിച്ചങ്ങുൾപ്രവേശി-ച്ചീടുമഹോ-
ജീവിപ്പിച്ചു നിർമ്മലമാക്കീടും ഭവാൻ മുറ്റും നീ
ജ്വാലാഗ്നിപോൽ എരിഞ്ഞു പ്രകാശിക്കും
യേശുവിൻ ജീവൻ വിളങ്ങി
ശോഭിച്ചീടും തന്റെ ഭംഗി
ലോകം കണ്ടടിവണങ്ങി-രക്ഷപ്രാപിക്കും-
ആത്മാധിവാസമെന്നും പാലിച്ചീടിൽ ജയജീവൻ
സാധിക്കും നിന്നായുസ്സിൻ നാളൊക്കെയും
സാന്നിദ്ധ്യം പ്രശോഭിച്ചീടും
സംസർഗ്ഗം സദാ നേരവും
ദോഷവിചാരങ്ങൾക്കി-ല്ലവസരം-