പ്രാർത്ഥന രണ്ട്

പ്രാർത്ഥന ഒന്ന് രചന:കേരളവർമ്മ വലിയ കോയിത്തമ്പുരാൻ

രാഗം - കല്യാണി; താളം - ചെമ്പട

പല്ലവി

കാത്തുകൊള്ളേണമേ കാരുണ്യവാരിധേ!
കാൽത്തളിർ കൂപ്പുന്നേൻ.

അനുപല്ലവി

പേർത്തുമിജ്ജനം തന്നിൽ നേർത്തിടതാനുഗ്രഹം
ചേർത്തു ചിന്മയ! ചീർത്തോരാർത്തികളെല്ലാം
തീർത്തും
    (കാത്തുകൊള്ളേണമേ)

ചരണം

പരിതാപമഖിലവും പരമപുരുഷ പോക്കി
പരിചോടു ഭവദീയ പദഭക്തിയളവാക്കി
അരി ഭയമണയാതെന്നകതിളർ തെളിവാക്കി
ദുരിതവാസനയെല്ലാം ദ്രുതതരം ദൂരെ നീക്കി
    (കാത്തുകൊള്ളേണമേ)