ദൈവത്തിൻ കുഞ്ഞാടെ സർവ്വ വന്ദനത്തിനും

 
                       പല്ലവി
ദൈവത്തിൻ കുഞ്ഞാടെ സർവ്വ വന്ദനത്തിനും യോഗ്യൻ നീ
ജ്ഞാനവും ശക്തിയും ധനം ബലം സ്തുതി ബഹുമാനമെല്ലാം നിനക്കു
                      ചരണങ്ങൾ
ഘോര പിശാചിൻ നുകം നീങ്ങാൻ പോരാ സ്വയത്തിൻ ശ്രമങ്ങൾ
ചോരയിൻ ചോരിച്ചിലാൽ യേശുവേ ഈ വൻ പോരിനെ തീർത്തവൻ നീ .ദൈവത്തിൻ

ന്യാപ്രമാണത്തിന്റെ ശാപം ആയതെല്ലാം തീർക്കുവാൻ
പ്രായശ്ചിത്താർത്ഥമായ് പാപത്തിനായ് നിൻ കായത്തെ ഏൽപ്പിച്ചു .....ദൈവത്തിൻ

മൃത്യുവെ ജയിപ്പാൻ നീ ദൈവ ഭൃത്യനാം നിന്നെത്തന്നെ
നിത്യ ദൈവാവിയാൽ അർപ്പിച്ചതാൽ ഈ മർത്യർക്കു ജീവനുണ്ടായി ....ദൈവത്തിൻ

ദൈവത്തിൻ കൂട്ടായ്മ ഞങ്ങൾ ചാവിലും ആസ്വദിപ്പാൻ
ദൈവത്താൽ വിടപ്പെട്ടു ക്രൂശിങ്കൽ നീ നിൻ ജീവനെ ഏല്പിച്ചപ്പോൾ ....ദൈവത്തിൻ

കുറ്റം ചുമത്തുന്നതാർ നിന്റെ ശത്രുവർഗ്ഗമെവിടെ
യുദ്ധം ഒഴിഞ്ഞു സമാധാനമായ് വിശുദ്ധമാം രക്തത്തിനാൽ. ..........ദൈവത്തിൻ