ഈ താളിൽ തെറ്റുതിരുത്തൽ വായന നടന്നിരിക്കുന്നു
൨൬
യയാതിചരിതം
(ഋഷികളോടുകൂടി കഞ്ചുകി പ്രവേശിക്കുന്നു) (രാജാവും വിദൂഷകനും എഴുനീൽക്കുന്നു)
ഒന്നാമൻ--
ചിലപൊഴുതു പിതാവാകുന്നുവെന്നാൽ ചിലപ്പോൾ
പലതരമുപദേശം നൽകുമാചാൎയ്യനത്രേ;
ചിലരുടെ സഖിയായും രക്ഷിതാവായുമെല്ലാ-
നിലയിലുമവനീശൻ മുറ്റുമിങ്ങുറ്റ ബന്ധു.
൧൩
രണ്ടാമൻ--
ഘനമായ ഭാവമിഹ ദുഷ്ടരോടു, സ്-
ജ്ജനമോടഴിഞ്ഞ നിലയീയവസ്ഥകൾ
ജനനാഥനൊത്തഭിനയിപ്പതോൎത്തു മേ
മനമിന്നു സാധ്വസവിനീതിസംയുതം.
൧൪
രാജാവ്--തപസീശ്വരമാൎക്കു നമസ്കാരം.
ഋഷികൾ--മേൽക്കുമേൽ കല്യാണം വരട്ടെ.
രാജാവ്--ഭാർഗ്ഗവമഹർഷിക്കു കുശലമല്ലേ?
ഒന്നാമൻ--അതെ.
രണ്ടാമൻ--അങ്ങേക്കു അവിടുത്തെ ചില സന്ദേശങ്ങളുണ്ട്.
രാജാവ്--ഞാൻ അതിൽ സശ്രദ്ധനായിരിക്കുന്നു.
ഒന്നാമൻ--അവിടുത്തെ കല്പന ഇതാണ്:--
"ഈതിജാലമണയാതെ വമ്പെഴും
നീതിയോടയി ഭവാൻ പെരുത്തുനാൾ
ഭൂതിചേൎന്നു ഭുവനം ഭരിക്കുവാൻ
ഭൂതിഭൂഷണനനുഗ്രഹിച്ചിടും.
൧൫
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Mridula എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
