അതിവിമലമധികതരഭക്ത്യാനിരന്തര-
മാത്മാനമാശുനിവേടിച്ചുകൊള്ളേണം.
നിരതിശയവിനയനയവിശ്വാസയുക്തനായ്
നിത്യവുംപൂജിച്ചുകൊള്ളുകിലീശ്വരൻ.
ജനിമരണഭയഹരണകരണനഖിലേശ്വരൻ
ജന്തുവർഗ്ഗാന്തസ്ഥിതൻപരമേശ്വരൻ.
പരമശിവനഗവരസുതാവരൻശങ്കരൻ
ചാരംപ്രസാദിക്കുമില്ലൊരുസംശയം.
തദനുപശുപതിനിജചിദംനന്ദരൂപമാം
സ്ഥാനംനിരന്തരംനൽകുമുർവ്വീപതേ.
നൃപതിവരനിതിമുനിഗിരംകേട്ടനന്തരം
നിർഭരാനന്ദമോടേവമുരചെയ്തു.
മുനിതിലകഭവദുദിതമാംശുഭദ്ധ്യാനേന
മുഖ്യമാമീശ്വരപൂജചെയ്തീടുന്നേൻ.
ഹൃദീസദയമിഹശൃണുമുനേമഹാശക്തരാം
ഹോഹയതാലജംഘാദിവീരന്മാരാൽ.
അതികഠിനമഹഹകൃതമായോരുപദ്രവാൽ
അദ്യദഹിക്കുന്നുചിത്തംവിശേഷിച്ചും.
അവരെരണഭുവിശമനപുരമതിലയെക്കുവാ-
നത്യന്തശക്തനായോരുപുത്രൻമമ.
സപദിതവമനസിമയികരുണയുളവായിനി
സ്സംഭവിപ്പാനായനുഗ്രിഹിക്കേണമേ.
മനുജകുലവരവചനമിതിനിശമനംചെയ്തു
മാമുനീന്ദ്രൻതാനുമേവമരുൾചെയ്താൻ.
നിയതമിതുതവഹിതമതായകാർയ്യംദ്രുതം
നിശ്ശങ്കമിന്നുചേയ്യുന്നുണ്ടുഞാൻദൃഢം.
പുരുഷവരതവതനയനുടനെയുളവായ്പരും
പുത്രകാമേഷ്ടിയിന്നമ്പോടുചെയ്യേണം.
സപദിമഖകരണമതിനിന്നുവേണ്ടുന്നോരു
സംഭാരാജാലവുംസംഭരിച്ചീടുക.
പുനാവനിപതിമുനിഗിരംകേട്ടനന്തരം
പുത്രേഷ്ടിസാധകസംഭാരമൊക്കെയും.
വിരവിനൊടുമുനിവരനുരച്ചപോലെത്തന്നെ
വീതഖേദമൊരുക്കീടിനാൻസാദരം.
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Bluemangoa2z എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
