സന്നഖേദേനവിശാലൻതന്റെനഗരത്തെ-
ച്ചെന്നുചേർന്നിതുസൈന്യനാഥനാംപ്രിയാശ്വനും
മന്നിടമെങ്ങുംപരന്നർണ്ണവംപോലെവരും
സൈന്യമൊക്കെയുംകണ്ടനേരത്തുസുപർവ്വാവും.
നന്ദിപൂണ്ടരുളിച്ചെയ്തീടിനാൻവിശാലനോ-
ടിന്നിനിക്കാലംവൃഥാകളഞ്ഞീടരുതേതും.
ഭൂമീന്ദ്രനായസുപർവ്വാവുതൻഗിരംകേട്ടു
സാമോദംവിശാലനുംതന്നുടെസൈന്യങ്ങളെ.
താമസമെന്യെവരുത്തീടിനാൻസേനയോടും
ധീമാനാംസുപർവ്വാവിനായ്ക്കൊണ്ടുദാനംചെയ്പാൻ.
സോമനേർമുഖിയായചന്ദ്രികയോടുംകൂടി
ശ്രീമാനാംവിശാലനുംസത്വരംപുറപ്പെട്ടാൻ.
സീമയില്ലാതെയുള്ളവാഹിനീസംഘത്തോടും
കാമിനീരത്നമായചന്ദ്രികയോടുംചേർന്നു.
ഭീമമാംചാപശരാദ്യംയുധജാലത്തോടും
ഭൂമീനായക്അൻവിശാലൻതാനുംസുപർവ്വാവും.
കാമനാശനനായവിശ്വനായകൻതന്റെ
ധാമാവാംകാശിരാജ്യംപുക്കിതുഘോഷത്തോടും.
വിഷ്ടപംനടുങ്ങുമാറുള്ളോരുമഹാഘോഷം
കേട്ടുടൻകുണ്ഡധരനാകിയനൃപേന്ദ്രനും.
പെട്ടന്നുചെന്നുനോക്കുംനേരത്തുരിപുസൈന്യം
കോട്ടതൻചുറമാനിറഞ്ഞങ്ങുനില്പതുംകണ്ടാൻ.
പുഷ്ടരോഷേണസ്വല്പസൈന്യനെന്നാലുംനൃപ-
നൊട്ടുമേമടിയാതെയുദ്ധത്തിന്നൊരുമ്പെട്ടാൻ.
പിന്നെയസ്സുപർവ്വാ‌വാംനൃപനുംകുണ്ഡധര-
മന്നവൻതന്നെ‌വധിച്ചീടുവാനതിവേലം.
സന്നദ്ധനായിത്തന്റെസൈന്യത്താൽകുണ്ഡധരൻ
തന്നുടെപുരംനിരോധിച്ചിതുനാലു‌പാടും.
ഇങ്ങിനേകുണ്ഡധരൻതാനുമസ്സുപർവ്വാവും
തിങ്ങിനവൈരാൽനിജസൈന്യങ്ങളുറപ്പിച്ചു.
സംഗരംഘോരമായിത്തുടങ്ങുംനേരംദേവ-
സംഘത്തോടൊരുമിച്ചുദേവനായകൻതാനും.
വ്യോമയാനത്തിലേറിത്തന്നുടെഗുരുവോടും
വ്യോമദേശത്തുവന്നുനിന്നിതുയുദ്ധംകാണ്മാൻ.
 ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Bluemangoa2z എന്ന ഉപയോക്താവിനായിരിക്കും. | |||||
| ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
| സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
| (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |
