൭൨ ശീലം
ധീരന്മാർക്കു് കൃത്യബോധം ഒരുപ്രവർത്തകശക്തിയാകുന്നു. വാഷിങ്ടന്റേ ജീവിതത്തിൽ അതു തന്നേ മുഖ്യപ്രേരകമായിരുന്നതു്. അദ്ദേഹം അപായ ഭയം കൂടാതെ അഭേദ്യമായ ഋജുത്വത്തോടു സ്വകൃത്യം നടത്തിവന്നു. അതിലേയ്ക്കു് അദ്ദേഹത്തിനെ പ്രേരിപ്പിച്ചതു്, ജനസമ്മതിക്കും കീർത്തിക്കുമുള്ള ആഗ്രഹമല്ല; പിന്നെ, കൃത്യം, കർത്തവ്യധർമ്മമാകുന്നനെന്നുള്ള ഒരവസ്ഥ മാത്രമണു്. അദ്ദേഹത്തിനു് അഭിമാനം തീരെയില്ലായിരുന്നു. അമ്മേരിക്കയിലെ പ്രജാസൈന്യത്തിന്റെ നായകത്ത്വം വളരെ ഞെരുക്കത്തിന്മേലാണ് അദ്ദേഹം സ്വീകരിച്ചതു. പിന്നീടു് ഏകീകൃതരാജ്യാദ്ധ്യക്ഷനായാറേ, ഇംഗ്ലണ്ടീനോടു് ചെയ്യാനുദ്ദേശിച്ച ജനഭിപ്രായവിരുദ്ധമായ ഒരുടമ്പടി, ന്യായമണെന്നു് ബോധപ്പെടുകയാൽ, വൾരെ ആക്ഷേപങ്ങളും ദേഹപീഡകൾപോലും ലക്ഷ്യമാകാതെ അതിനെ നടത്തീട്ടു്: തടുത്ത്വരോടു് താഴേ പ്രസ്താവിക്കുന്ന മറുപടി പറഞ്ഞു. "എന്റേ നാട്ടുകാർ എന്റെ നേർക്കു് കാണിച്ചിരിക്കുന്ന അനുമോദനങ്ങൾക്കു് ഞാൻ അത്യന്തം കൃതജ്ഞനായിരിക്കുന്നു. എന്നാൽ, ഞാൻ എന്റേ മനഃസാക്ഷിയേ അനുകരിക്കുന്നെങ്കിൽ മാത്രമേ അതുകൾക്കു് പാത്രീഭവിക്കയുള്ളു". ൟ നില തന്നെയാകുന്നു ഭർത്തൃഹരിയുടെ നീതിശതകത്തിൽ ഘോഷിക്കപ്പെട്ടിരിക്കുന്നതു്.
"നിന്ദിച്ചിടട്ടെ നയബോധി, പഴിച്ചിടട്ടേ,
വന്നാർന്നിടട്ടെ ധനദേവി ഗമിച്ചിടട്ടേ,
ഇന്നോവരട്ടെ മൃതി, യന്യയുഗത്തിലോവാൻ,
തൻന്യായ്യമായവഴിവിട്ടിളകില്ല നീതൻ.
(ഭർത്തൃഹരി. നീതി. ൮൪)
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി നിർമ്മിച്ചതാണ്. ഇതിലെ ഉള്ളടക്കത്തിന്റെ സ്കോർ ലഭിക്കുന്നതു് ഈ താൾ ആദ്യം ടൈപ്പു ചെയ്തുതുടങ്ങിയ Hareshare എന്ന ഉപയോക്താവിനായിരിക്കും. | |||||
ഈ താളിന്റെ ഗുണനിലവാരം: (വിശദവിവരങ്ങൾക്കു് ഈ ലേഖനം കാണുക) | |||||
സങ്കീർണ്ണത | തനിമലയാളം | അക്ഷരങ്ങളുടെ എണ്ണം | ടൈപ്പിങ്ങ് പുരോഗതി | ഫോർമാറ്റിങ്ങ് മികവ് | അക്ഷരശുദ്ധി |
(സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) | (സ്കോർ ഇതുവരെ ചേർത്തിട്ടില്ല) |