158 ശരീരശാസ്ത്രം
തങ്ങിനില്പാൻ ഇടവരുത്തരുതു. 2. കിണറും മറ്റും ഉപയോഗിമില്ലാതേയും തൂർക്കുവാൻ കഴിയാതെയും വന്നാൽ കൊതുക്കൾ അവിടെ മുട്ടയിട്ടു കൊതുപ്പുഴുക്കൾ വർദ്ധിക്കും. കൊതുക്കൾ വർദ്ധിക്കാതെ നാം അവയെ തടുത്തുനിർത്തേണമെങ്കിൽ, അവ വെള്ളത്തിൽനിന്നു പുറമെ പറന്നു വരുന്നതിനുമുമ്പേതന്നെ കൊല്ലണം; എന്തുകൊണ്ടെന്നാൽ വെള്ളത്തിൽ നിന്നു പുറമെ പറന്നുവന്നാൽ അവയെ എളുപ്പത്തിൽ കൊല്ലുവാൻ കഴികയില്ല. എന്നാൽ വെള്ളത്തിൽ ഉള്ള സമയത്തു തന്നെ അതിൽ മണ്ണെണ്ണ ഒഴിച്ചാൽ അതിലുള്ള എല്ലാ ചെറിയ പുഴുക്കളും ചത്തുപോകും; എങ്ങിനെയെന്നാൽ, ആ ചെറിയ പുഴുക്കൾ ശുദ്ധവായുവെ ശ്വസിപ്പാൻവേണ്ടി വെള്ളത്തിന്റെ മുകളിൽ വരുമ്പോൾ, ശുദ്ധവായു കിട്ടാതെ അതുകൾ നശിക്കും. 3. ചില മത്സ്യങ്ങൾ ഈ ചെറിയ പുഴുക്കളെ തിന്നു ജീവിക്കുന്നു. അങ്ങിനെയുള്ള ചെറിയ മത്സ്യങ്ങളെ കുളങ്ങളിലും കിണറുകളിലും കൊണ്ടുവന്നു വളർത്തിയാലും മതി. 4. കിടന്നുറങ്ങുമ്പോൾ കൊതുവലഉപയോഗിച്ചാൽ ഈ കൊതുക്കൾ നമ്മുടെ മേൽവന്നിരിക്കുന്നതല്ല.
71. മൂട്ട
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
