ഈ താളിൽ തെറ്റുതിരുത്തൽ വായന നടന്നിരിക്കുന്നു
ശകുന്തള
ദിവ്യമാം ഹാർദ്ദപ്രേമത്തിൻപര-
നിർവൃതിയോ ഈ മഞ്ജിമ?
തെന്നലിലാഞ്ഞുലയുമമ്മുടി
ചിന്നും ഫാലശ്രീ, എന്നല്ലാ,
പേർത്തും ചിമ്മിയ കൺകളും പൊന്നിൽ
വാർത്ത ഗണ്ഡവും ചെഞ്ചുണ്ടും
മൈ മലർന്നൊട്ടു ചായ്വുതൻ ശിര-
സ്സേവം കിടപ്പും കൺപറ്റും
മന്മനമേ, നീ വെമ്പിടായ്കൊന്നാ-
കണ്മണീയുണർന്നീടട്ടെ!
* * *
ഇന്ദ്രദിങ് മുഖത്തങ്കിതമായി-
ല്ലിന്നിതേവരെക്കാല്യശ്രീ:
ആരിങ്ങടുക്കും തേജസ്വി? ഭാസ്വാൻ
പാരിലേയ്ക്കിന്നിറങ്ങിയോ?
ഇല്ലില്ല തപഃസാഫല്യമാർന്ന-
തല്ലി, തദീയപ്രാഭവം!
പക്ഷികൾ നോക്കിക്കാത്തീടുവതാ-
മക്ഷയഭാസ്സു കാണവേ
തൽക്ഷണം ചിന്താസ്തബ്ധനായ് അതാ-
രീശ്വരാ, ഋഷേ! കൂപ്പുകൈ!
4
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
