ഈ താളിൽ തെറ്റുതിരുത്തൽ വായന നടന്നിരിക്കുന്നു
II
"വന്നുപോയ് ഞാനീ മാൻകിടാവിനെ-
യൊന്നുകൂടെടുത്തീടട്ടെ,
അച്ഛനോടമ്മ പോയ്പറയുകി,-
ക്കൊച്ചു വന്നെത്തിപ്പോയെന്നായ്."
സന്ധ്യ മായുന്ന കണ്ടു ഗൌതമി
വെമ്പി വിളിച്ചുകുട്ടിയെ
"അമ്മു, നിൻതെറ്റു താതനെക്കൊണ്ടീ-
യമ്മയെപ്പഴിപ്പിക്കുകിൽ_"
"ഇല്ലില്ലെ"ന്നവളാശ്വസിപ്പിച്ചു
ചൊല്ലിയുച്ചത്തിലെങ്ങുന്നോ?
ഭീതിയായ് വൃദ്ധ,'പൈതലിൻകാടു_
കേറുന്നെ'ന്നാക്ഷേപിക്കവെ
തോളിലുമ്മവെയ്ക്കുന്ന വാർമുടി
ചേലിലിടയ്ക്കൊതുക്കിയും
സ്വാഭാവികശ്രീ കൂടീടുമംഗ-
ശോഭയെ മറയ്ക്കാതെയും;
ആരാലടുത്തൂ കൂറോടെ തന്റെ
മാറിൽ ചേർത്ത മാൻകുഞ്ഞുമായ്
7
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.