നതയുണ്ടെങ്കിൽ ഫലം ലഭിക്കുകയില്ല. സാധനചതുഷ്ടയ
വിഹീനന്മാർക്കു മുക്തി ലഭിക്കയില്ലെന്നു മഹർഷിമാർ നിർവ്വി
വാദം ഘോഷിക്കുന്നു.
ശി:- ആ സാധനങ്ങൾ ഏതെല്ലാമാണ്?
ഗു:-നിത്യാനിത്യവസ്തുവിവേകം ഒന്നാമത്തെ സാധനമെ
ന്നും,ഇഹാമുത്രാർത്ഥഫലഭോഗവിരാഗമെന്നതു രണ്ടാമ
ത്തേതെന്നും,മൂന്നാമത്തെ സാധനം ശമാദിഷൾക്കസമ്പ
ത്തിയെന്നും, മുമുക്ഷുത്വം നാലാമത്തെ സാധനമെന്നുമാ
ണ് ശാസ്ത്രങ്ങളിൽ പറയപ്പെട്ടിരിക്കുന്നത്.
ശി:-നിത്യാനിത്യവസ്തുവിവേകമെന്നാലെന്തെന്നറിവാൻ
ഞാൻ ആഗ്രഹിക്കുന്നു.
ഗു:-പറയാം കേൾക്കു.
"ബ്രഹ്മൈവനിത്യമന്യത്തുഹ്യനിത്യമിതിവേദനം
സോയം നിത്യാനിത്യവസ്തുവിവേകഇതികഥ്യതേ".
ബ്രഹ്മംതന്നെയാകുന്നു നിത്യം ദേഹേന്ദ്രിയാദി മറ്റു
സകല പ്രപഞ്ചവും അനിത്യമാണ്. എന്നറിയുന്നതിനെ നി
ത്യാനിത്യവസ്തുവിവേകമെന്നു പറയപെടുന്നു
ശി:-ഇതിന് എന്തു ദൃഷ്ടാന്തം?
ഗു:-കടത്തിന്നു കാരണമായ മണ്ണു,മൂന്നുകാലത്തിലും മണ്ണാ
യിതന്നെകാണപ്പെടുന്നതുകൊണ്ട് അതു നിത്യമാണെ
ന്നും, മണ്ണിന്റെ കാര്യരൂപങ്ങളായ ഘടാദികൾ നശിച്ചു
പോകുന്നതിനാൽ അവ അനിത്യമാണെന്നും അറിയുന്നതു
പോലെ,ദേഹാദിപ്രപഞ്ചമെല്ലാം ബ്രഹ്മത്തിന്റെ കാര്യ
മായതുകൊണ്ട് അനിത്യമെന്നും ഈ അനിത്യമായ പ്രപ
ഞ്ചത്തിന്നു ബ്രഹ്മം കാരണമായതുകൊണ്ടും (ഘടത്തിനെ
നോക്കുമ്പോൾ മണ്ണെങ്ങിനെ നിത്യമോ അപ്രകാരം) ബ്ര
ഹ്മം നിത്യമെന്നും അറിയേണ്ടതാകുന്നു.
ശി:-ഈ ദേഹാദിജഗത്തു ബ്രഹ്മത്തിന്റെ കാര്യമാണെന്ന
തിന്നു പ്രമാണമെന്താണ്?
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
