താൾ:Praisham - Sreemoolam Malayala bhasha Grandhavali 1927.pdf/17

വിക്കിഗ്രന്ഥശാല സംരംഭത്തിൽ നിന്ന്
ഈ താളിൽ തെറ്റുതിരുത്തൽ വായന നടന്നിരിക്കുന്നു

പ്രാതർന്നമാമി മഹിഷാസുരചണ്ഡമുണ്ഡ- സുംഭാസുരപ്രമുഖദൈത്യവിനാശദക്ഷാം ബ്രഹ്മേന്ദ്രരുദ്രമുനിമോഹനശീലലീലാം ചണ്ഡീം സമസ്തസുരമൂർത്തിമനേരരൂപാം. പ്രാതർഭജാമി ഭജതാമഭിലാഷദാത്രീം ധാത്രീം സമസ്തജഗതാം ദുരിതാപഹന്ത്രീം സംസാരബന്ധനവിമോചനഹേതുഭൂതാം മായം പരാമധിഗതാം പരമസ്യ വിഷ്ണോഃ. ശ്ലോകത്രയമിദം ദേവ്യാ- ശ്ചണ്ഡികായാഃ പഠേത്തു യഃ സർവാൻ കാമാനവാപ്നോതി വിഷ്ണുലോകേ മഹീയതേ. പ്രാതഃ സ്മരാമി ഭവഭീതീഹരം സുരേശം ഗംഗാധരം വ്യഷഭവാഹനമംബികേശം ഖട്വാംഗശൂലവരദാഭയഹസ്തമീശം സംസാരരോഗഹരമൌഷധമദ്വിതീയം. പ്രതർന്നമാമി ഗിരിശം ഗിരിജാർദ്ധദേഹം സർഗ്ഗസ്ഥിതിപ്രലയകാരണമാദിദേവം വിശ്വേശ്വരം വിജിതവിശ്വമനോഭിരാമം സംസാരരോഗഹരമൌഷധമദ്വിതീയം. പ്രാതർഭജാമി ശിവമേകമനന്തമാദ്യം വേദാന്തവേദ്യമനഘം പുരുഷം പുരാണം നാമാദിഭേദരഹിതം പരമാർത്ഥതത്വം സംസാരരോഗഹരമൌഷധമദ്വിതീയം. പ്രാതഃ സമുത്ഥായ ശിവം വിചിന്ത്യ ശ്ലോകത്രയം യഃ പഠതീഹ ഭക്ത്യാ സ ദുഃഖജാതം വിവിധപ്രഭൂതം

ഹിത്വാ പദം യാതി തദേവ ശംഭോഃ.










ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.