ലരുതരുതു വൈരം സദാ പുണ്യവാരിധേ
തവ കരുണയല്ലാതെ മറ്റൊന്നുമില്ല മേ
ഭുവനജനപൂജ്യനായുള്ള ഗുണാബുധേ
കുരുവൃഷഭവചനമഥ ശ്രുത്വാ ഹലായുധൻ
നരകരിപുപൂർവ്ജൻ ചൊല്ലി നാഗദ്ധ്വജം
അലമലമിതിന്നു നീ ചൊന്ന വാക്യാമഹോ
കലിഭവഖലേശ്വര കുരുകുലജ കേൾക്ക നീ
തവ മനസി വാഴുന്ന ധിക്കാരമൊക്കെയു
മവനിപരിപാലക ത്യക്ത്വാ വസിക്ക നീ
യദുകുലജ കുരുകുലജ സംഭാഷണേ വന്നു
വിദുരകൃപഗാംഗേയ ദ്രോണരും മെല്ലവെ
തരുണിമണി രേവതിവല്ലഭരാമനെ
വിരവിലഥ മാനിച്ചു ശാന്തനവാദികൾ
കുരുകുലജ വൃഷഭനൊടു യാത്രയും ചൊല്ലിട്ടു
നരകരിപുപൂർവജൻ ലക്ഷണാതന്നൊടും
നിജസഹജതനയനൊടുകുടവെ തൽക്ഷനം
നിജപുരമതും നോക്കി മെല്ലെ നടന്നുടൻ
മുനിവരരിൽ മുമ്പനായുള്ള ശ്രീനാരദ
നതികുതുകമോടിദം കണ്ടു സന്തോഷമായ്
തദനു സുരവൃദ്ധമോടെത്തു ശ്രീനാരദ
നദിതിസുതലോകം ഗമിച്ചു വാണീടിനാൻ
മഗധശിശൂപാലാദി മന്നവരൊക്കയും
സ്വഗൃഹസുഖമോടങ്ങു വാണിതു സർവരും
ഹരിതനയനാകിയ സാംബനോടുംകൂടി
ഹരിവരപരാക്രമൻ ചെന്നു ദ്വാരാപുരേ
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
