ഈ താളിൽ തെറ്റുതിരുത്തൽ വായന ഉണ്ടായിട്ടില്ല
൧൦൧
കാരുണ്യം
5 എന്നാലതിന്നുള്ളധികാരമെല്ലാം
ദയയ്ക്കുകീഴായ്‌മരുവുന്നതത്രെ;
ഈശാങ്കമാമായതുഭൂപഹൃത്തിൽ
സാമ്രാജ്യമേറ്റിട്ടു വസിച്ചിടുന്നു.
6 പാരുഷ്യമേറീടിനനീതിതന്നെ-
കൃപാമൃതത്താൽമൃദുവാക്കിയെന്നാൽ
മനുഷ്യനുള്ളോരധികാരമപ്പോ-
ളീശാധികാരത്തിനടുത്തുനിൽക്കും.
7 ന്യായത്തിനാൽകേവലമത്രനമ്മി-
ലൊരുത്തനുമുക്തിലഭിക്കയില്ല.
കാരുണ്യമുണ്ടാകണമെന്നുനിത്യം
നാമീശനോടൎത്ഥനചെയ്‍വതില്ലേ?
8 ഈശന്നുനമ്മിൽകൃപവേണമെന്നു
നമുക്കുമോഹംവളരുന്നുവെങ്കിൽ
മോശംവരാതന്യജനങ്ങളോടു
നമുക്കുമുള്ളിൽകൃപതോന്നിടേണം
ഷേക്സ്പിയരുടെ ഒരു നാടകത്തിൽ നിന്നു തർജിമ.
കേ, സി, കേശവപിള്ള
