രോഗകാരണങ്ങളായ ജീവികൾ ഈശ്വരൻ ഇവയെ നി൪മ്മിച്ചത് എന്നു സംശയം തോന്നിപ്പോകും . അണുപ്രായമായ ഈ ജീവികൾ, മനുഷ്യ ശരീരത്തിൽ കടന്നു കൂടുന്നതു പല മാ൪ഗ്ഗമായിട്ടാണ് . മുറി,ഒരച്ചിൽ മുതലായ യാദൃച്ഛികസംഭവങ്ങൾ അവക്കു രക്തത്തിൽ കടന്നു കൂടുവാൻ തക്കതായ ഒരുവഴിയാണ് . ശ്വാസം വലിക്കുന്നകുഴലിൽകൂടിയും അവ ഉള്ളിൽ കടന്നുവീഴുന്നു. നാം കഴിക്കുന്ന ഭക്ഷണപദാർത്ഥങ്ങളിൽ കല൪ന്നു ആ മാ൪ഗ്ഗമായും അവ ശരീരത്തിൽ പ്രവേശിക്കുന്നുണ്ട്. വസൂരി ,അഞ്ചാംപനി മുതലായ രോഗങ്ങളെ ഉണ്ടാക്കുന്ന വ൪ഗ്ഗക്കാർ പക്ഷെ , ശ്വാസം വഴിയായിരിക്കാം ഉള്ളിൽ കടക്കുന്നത്. നടപ്പുദീനത്തെ ഉണ്ടാക്കുന്ന ജീവി ഭക്ഷണദ്രവ്യങ്ങളിൽ കൂടി മാത്രമാണ് മനുഷ്യരെ ബാധിക്കുന്നത് . ജാത്യാ തന്നെ തങ്ങളുടെ ആവാസസ്ഥാനങ്ങളെപ്പറ്റി അത്ര ശ്രദ്ധയില്ലാത്ത ഈച്ചകളും, ഉറുമ്പുകളും ഭക്ഷണസാധനങ്ങളെ അശുചിയാക്കിത്തീർക്കുവാൻ എത്ര ഉത്സാഹിക്കുന്നുണ്ടെന്നു നമുക്കെല്ലാവ൪ക്കും നിത്യ പരിചയമാണല്ലോ.
ഈ സൂക്ഷമ ബീജങ്ങൾ ശരീരത്തിൽ പ്രവേശിച്ചാൽ ഉടനെ തന്നെ രോഗചിഹ്നങ്ങൾ പ്രത്യക്ഷമാകുന്നില്ല . അല്പകാലം നിശ്ചേതന മെന്നു തോന്നത്തക്ക വിധത്തിൽ അവ അവിടെ കിടക്കുന്നു . ഈ കാലത്തിന് അവയുടെ 'ചായകാല'മെന്നാണ് പേർ പറയുന്നത് . ചയകാലത്തിന്റെ ഏറ്റക്കുറിച്ചിൽ പല സംഗതികളേയും ആശ്രയിച്ചിരിക്കുന്നു .ഓരോ ജീവികളുടെ സ്വാഭാവികമായ ശക്തിപോലെയും , സമ്പ്രദായഭേഭംപോലെയും , ഈ സമയം ഒന്നോ രണ്ടോ മണിക്കൂറു മുതൽ നാലാഴ്ചവരെ നീണ്ടു എന്നുവരാം. അസംഖ്യം സൂക്ഷ്മബീജങ്ങൾ ഒരേ സമയത്തു ശരീരത്തിൽ പ്രവേശിപ്പാൻ ഇടയായാൽ അവയുടെ ചായകാലം എത്രയോ കുറച്ചായിട്ടും കണ്ടുവരുന്നുണ്ട് . എന്നു മാത്രമല്ല, അവ പ്രവേശിക്കുന്ന ശരീരത്തിന്റെ ആരോഗ്യാവസ്ഥയും , ആക്രമശക്തിക്ക് ഏറ്റക്കുറച്ചിൽ ചെയ്യുമെന്നു വേറെ ചില സംഗതികളെക്കൊണ്ടു ഊഹിക്കേണ്ടിയിരിക്കുന്നു . താരതമ്യപ്പെടുത്തി നോക്കുമ്പോ, എത്രയോ വലുതായിരിക്കുന്ന മനുഷ്യശരീരത്തിൽ സൂക്ഷമങ്ങളായ
കുറെ ജീവികൾ പ്രവേശിച്ചു എന്നുള്ളതു കൊണ്ട് ആ മനുഷ്യൻ രോഗപീഡിതനായി വരേണമെന്നുണ്ടോ ? പത്തോ ആയിരമോ അണുപ്രായങ്ങളായ ഒരുതരം താണ സസ്യങ്ങൾ ശരീരത്തിൽ കുടിയേറിപ്പാ൪ത്ത് അവയുടെ ആയുഷ്ക്കാലം കഴിച്ചുക്കൂട്ടി അന്തരിച്ചു പോകയായിരുന്നു എങ്കിൽ നമുക്കു വിശേഷമായി ഒന്നും തോന്നുകയില്ലായിരുന്നു. എന്നാൽ പ്രവേശിച്ച ഉടനെ സകല ജീവ വ൪ഗ്ഗങ്ങളാലു ജന്മസാഫല്യം പോലെ വിചാരിക്കപ്പെടുന്ന ഉത്പാദനശക്തിയെ അവ പ്രകടിക്കുന്നതുകൊണ്ടാണു ഈ ഉപദ്രവമൊക്കെ നേരിടുന്നത് . പിടിയാന വളരെ കാലം കൂടുമ്പോൾ ഏക സന്താനത്തെ മാത്രമെ പ്രസവിക്കുകയുള്ളൂ .മനുഷ്യർ എത്ര തന്നെ ഉപദ്രവികളായിരുന്നാലും , രണ്ടോ മൂന്നോ സന്തതികളെ ഒരിക്കൽ പ്രസവിക്കുന്നത് എത്രയോ അപൂർവ്വമാണ്.എന്നാൽ ഉപദ്രവത്തിനുമാത്രം ഒരുമ്പെട്ടിരിക്കുന്ന ഈ ജീവവർഗം ൨൪ മണിക്കൂറിന്നിടയിൽ ലക്ഷോപിലക്ഷമായിട്ടാണ് വർദ്ധി- ക്കുന്നത്. അങ്ങിനെ പെരുത്തു വർദ്ധിക്കുന്നതോടുകൂടി ഒരു വിഷദ്രവ്യത്തെയും അവ നിർമ്മിക്കുന്നുണ്ട്. ഈവിഷവസ്തു ശരീരത്തിൽ വ്യാപിക്കുന്നതാകുന്നു,രോഗത്തിന് കാരണമായിവരുന്നത്.
ശരീരത്തിൽ ഏതെങ്കിലും ഒരു ഭാഗ
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.