൫൪ മംഗളോദയം വല്ലൊ. അല്ലാ ഞാൻ വിഘ്നേശ്വരനെ വന്ദിച്ചില്ലല്ലൊ. അതിനാലാണു തടസ്ഥമുണ്ടായത് 'വന്ദേഹാവിഘ്നരാജേന്ദ്ര
മേകദന്തംഗണേശ്വരം ............... മഹാകായ! പ്രസീദമേ'.
എന്റെ രതിദേവിയെ സ്തുതിയിക്കുന്നതിന് എന്നെ അനുഗ്രഹിച്ചാൽ, അവൾ എനിയ്ക്കു തരുന്ന സമ്മാനത്തിന്റെ ഒരു ഭാഗം അങ്ങേയ്ക്കായി സമർപ്പിച്ചു കൊള്ളാം. മനോ- അങ്ങയുടെ വിഘ്നരാജൻ ഏകദന്താണെന്നല്ലെ പറഞ്ഞത് ? പിന്നെയെങ്ങിനെയാണദ്ദേഹം ഭക്ഷണം കഴിയ്ക്കുന്നത്? മുധ- പ്രിയേ! എന്താണിത്? ഈശ്വരൻ ഭക്ഷിയ്ക്കയോ? എങ്കിൽ ഞാൻ കൊടുക്കുകയും ചെയ്യും. മനോ- പിന്നെ അവിടുത്തേയ്ക്കെമ്താണുള്ളത്? മുധ- നിശ്ചയമായും നീ വല്ലതും തരുമോ? മനോ- കിട്ടുമെന്നുതന്നെ വിചാരിയ്ക്കുക. മുധ- അതു മുഴുവൻ ഞാനെങ്ങിനെ തിന്നു? അതുകൊണ്ടു കാമദേലനു * ചർക്കുളയും ഗരിഗിയും മുധനനു അവലും പഴവും അതിമധുരമായ കഥ പറഞ്ഞ് കവിയ്ക്കു കരിമ്പും നാളികേരവും സ്വീകരിയ്ക്കും. മനോ- അതു കൊള്ളാം. രതിദേവിയ്ക്കെന്തു കൊടുക്കും. മുധ- ദേവിയാണെല്ലൊതരുന്നത്. മനോ- മനോരമയ്ക്കൊ?
- ഇവ ചില ഭക്ഷണപദാർത്ഥങ്ങളുടെ കർണ്ണാടകർപ്പേരുകളാണ്.
മുധ-രതിദേവിയെക്കുറിച്ചുള്ള സ്തുതിയിൽ ഞാൻ മനോരമയെ വിസ്മരിച്ചു പോയി. ഭക്ഷണ സാധനങ്ങളെല്ലാം പങ്കു വച്ചു തീർന്നതു കൊണ്ടു വല്ലതും ഉച്ഛിഷ്ടം വന്നാൽ ഞാനതു മനോരയ്ക്കു കൊടുക്കും. മനോ- എന്തൊരു കഠിന ഹൃദയൻ! ഇരിയ്ക്കട്ടെ; കഥ പറയണം. ഇങ്ങിനെ ആ തർക്കം തീർന്നു. മുധനൻ കഥ പറയാൻ തുടങ്ങി. ആ ഭാഗം മുഴുവനും ഇവിടെ പകർത്തണമെന്നു വിചാരിയ്ക്കുന്നില്ല. ഇനി നമുക്കു മറ്റൊരു ഭാഗത്തേക്കു കടക്കാം. ദിഗ്വിജയത്തിനായി പുറപ്പെട്ട ശത്രുഘ്നനേയും അദ്ദേഹത്തിന്റെ മഹാസേനയേയും ചതുർവ്വിധവിഭവങ്ങളോടു കൂടി ഒരു ഋഷി സല്ക്കരിച്ച കഥ മുധനൻ പറഞ്ഞു തുടങ്ങി. മനോ- സ്വാഗതവചനങ്ങളാൽ മാത്രമായിരിക്കാം; അതൊ വാസ്തവമായും സല്ക്കരിച്ചു വെന്നോ? മുധ- ഒരിയ്ക്കലുമല്ല; അവക്കു മൃഷ്ടാന്നവും സുഗന്ധപുഷ്പങ്ങളും വാസനാദ്രവ്യങ്ങളും മറ്രുമ സമ്മാനിച്ചും അവരുടെ മറ്റാവശ്യങ്ങൾ സാധിച്ചും സല്ക്കരിയ്ക്കുക തന്നെ ചെയ്തു. മനോ- അനേകായിരം ഭടന്മാർക്കു വേണ്ട സാമഗ്രികൾ ഒരു കാട്ടിൽ പാർക്കുന്ന മുനി സംഭരിച്ചുകൊടുക്കുന്നതെങ്ങിനെയാണ്? ഞാൻ അത്ഭുതപ്പെടുന്നു. മുധ- ജപത്തിന്റെയും തപസ്സിന്റെയും മാഹാത്മ്യം ഒട്ടം ചെറുതല്ല. അദ്ദേഹത്തിന്റെ എല്ലാ ആവശ്യങ്ങളും തപശ്ശക്തിയാൽ സാധിയ്ക്കുന്നു. മനോ- എന്തൊരാശ്ചര്യം!
മുധ- ഏകാക്ഷരി, ദ്വയാക്ഷരി പഞ്ചാക്ഷരി എന്നിങ്ങിനെ പലതരത്തിലുള്ള
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
