൩൬൮ മംഗളോദയം
കേട്ടതിന്നുത്തരംപോലുമരുളുന്നില്ലാ.
നിന്തിരുകൺമുനകൊണ്ടു
ചന്തമോടെകടാക്ഷിച്ചാൽ
തന്തിരുവുള്ളമുണ്ടാകാമെങ്കിലേയുള്ളൂ
എന്നിവകേട്ടതുനേരം
കുന്നിൽമാതുംപുറപ്പെട്ടു
ചെന്നുകണ്ടങ്ങുണർത്തിച്ചുവല്ലഭനോടായ്
എത്രനാളുണ്ടഹോപാർത്ഥ
നത്രവന്നുഭജിക്കുന്നു!
അസ്ത്രമെന്തേകൊടുക്കാഞ്ഞുവിശ്വനാഥാ നീ
വേലുകൊണ്ടും തിയ്യുകൊണ്ടും
തോലുചുക്കിച്ചുളിഞ്ഞയ്യോ
കോലുപോലെമെലിഞ്ഞല്ലോനമ്മുടെ പാർത്ഥൻ
പട്ടിണികാരണംപാർത്ഥൻ
പെട്ടുപോകുന്നതിൻമുമ്പേ
ഒട്ടുമേതാമസിയാതെവരംനൽകേണം.
മട്ടലർബാണനെക്കണ്ണിൽ
ച്ചുട്ടെരിച്ചഭഗവാനേ!
കഷ്ടമെന്നുവരുമല്ലോവരംനൽകാഞ്ഞാൽ.
മന്ദഹാസാമൃതംപൂണ്ടു
ചന്ദ്രചൂഡനരുൾചെയ്തു
സുന്ദരാംഗി!നിനക്കെന്തുസംഭ്രമമിപ്പോൾ
പാകവൈരിസുതനുള്ളിൽ-
പ്പാകമൊട്ടുഭവിച്ചീല
ലോകവീരനഹമെന്നുഭാവമുണ്ടിപ്പോൾ.
കോലുപോലെമെലിഞ്ഞൊരു
കോമളാംഗൻകയർക്കുമ്പോൾ
കാലനുംപേടിയുണ്ടാമെന്നോർത്തുകൊള്ളേണം
തോലുചുക്കിച്ചുളിഞ്ഞാലും
തോലിയുണ്ടെന്നറിയുമ്പോൾ
വാലുതൊട്ടപുലിപോലെപാഞ്ഞടുത്തീടും.
കൊണ്ടൽവേണി!നിനക്കെല്ലാം
കണ്ടുകൊള്ളായ്‌വരുമിപ്പോൾ
രണ്ടുനാലുദിവസത്തിലകത്തുതന്നെ.
ഖാണ്ഡവത്തെദ്ദഹിച്ചൊരു
പാണ്ഡവൻനമ്മുടെനേരെ
ഗാണ്ഡീവത്തെക്കുലച്ചുകൊണ്ടടുക്കുന്നേരം
പേടമാന്മിഴിയാളേ!നീ
പേടിപൂണ്ടുവിറച്ചീടു-
മാടലുണ്ടായ്‌വരുമുള്ളിലവനെക്കണ്ടാൽ.
വേടവേഷംധരിച്ചുഞാൻ
വേട്ടയാടിയവൻമുമ്പിൽ
വേഗമോടെഗമിക്കുന്നേൻകുന്നിൻമകളേ!
വില്ലുകൊണ്ടങ്ങവനോടു
തല്ലുകൊൾവാനൊരുമ്പെട്ടു
ചെല്ലുവാൻഞാൻതുടങ്ങുന്നുവല്ലഭേ!കേൾ
വേടനാരീശരീരത്തെ-
ക്കൂടവേനീധരിക്കേണം
കാടുതന്നിൽക്കേളിയാടിനടക്കാമെന്നാൽ
കുന്നേവെല്ലുംമുലതന്നിൽ
കന്നിമാലയണിഞ്ഞാലും
കുന്നിന്മാതേ!നിനക്കേതുംകൂസലുംവേണ്ടാ.
നീലവർണ്ണംകലർന്നോരു
ചേലകൊണ്ടങ്ങുടുത്താലും
നീലിയെന്നുള്ളപേർപണ്ടേനിനക്കുണ്ടല്ലോ.
കൊട്ടയുംനല്ലൊരുകോലും
കൊണ്ടുപിമ്പേനടന്നാലും
വേട്ടയാടുന്നതുകണ്ടുവിനോദിച്ചാലും.
ഇത്ഥമോരോന്നരുൾചെയ്തു
മൃത്യുവൈരിവിരവോടെ
മത്തനാകുംകിരാതന്റെശരീരംപൂണ്ടു.
താടിയുംമോടിയുംമീശ-
ക്കൊമ്പുമമ്പുമൊരുവില്ലും
പേടിയാകുംകിരാതന്റെശരീരംകണ്ടാൽ
നീലവസ്ത്രംകടിഭാഗേ
പീലിമാലാമുടിഭാഗേ
നാലുഭാഗേനിറഞ്ഞുള്ളകിരാതന്മാരും
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.
