മലയാളഭാഷാഗംഗ സംസ്കൃതഹിമഗിരിഗളിതയോ ദ്രാവിഡഹിമഗിരിഗളിതയോ പ്രാകൃതഹിമഗിരിഗളിതയോ ആയിക്കൊള്ളട്ടെ. ഹിമഗിരിയിൽ നിന്നേയല്ല, ഹിമാംശുവിന്റെ നാലുകെട്ടിൽ നിന്നാണ്, എന്നൊരു വാദം തന്നെ ഉണ്ടായാലും, എന്തുമാകട്ടെ, ബ്രഹ്മംഎന്നപോലെ അനാദിയായാലെന്ത്? അതൊന്നും തത്ക്കാലം നമ്മുടെ ആലോചനാവിഷയമല്ല.
ചിന്താഗോചരംപോലും അല്ലാത്ത അതിപ്രാചീനമായ ഒരു കാലം മുതൽ ഇന്നോളം ജീവിച്ചുപോരുന്ന ഈ ഭാഷ, ഏതേതിടങ്ങളിൽ, ഏതേതു കാലങ്ങളിൽ, ഏതേതാളുകളുടെ ഇടയിൽ, ഏതേതു രൂപങ്ങളിൽ, പ്രത്യക്ഷപ്പെട്ടിരുന്നുവെന്ന് അല്പം ഓൎത്തുനോക്കുമ്പോളാണ്, "ധൎമ്മോസ്മൽകുലദൈവതം." എന്ന മുദ്രാവാക്യത്തെ ഭരിക്കുന്ന രാജവംശാതപത്രത്തിൻകീഴിൽ സുഖമായുറങ്ങുന്ന നമ്മുടേയും നമ്മുടെ കൂട്ടുകാരുടേയും ഭാഷാവിഷയകമായ അമാന്തം വെളിപ്പെടുന്നത്.
എന്നതു മലയാളം.
എന്നതും മലയാളം.
ഈ താൾ വിക്കിഗ്രന്ഥശാല ഡിജിറ്റൈസേഷൻ മത്സരം 2014-ന്റെ ഭാഗമായി സ്കൂൾ ഐടി ക്ലബ്ബിലെ വിദ്യാർഥികൾ നിർമ്മിച്ചതാണ്.